-
चैत्र २०, सिन्धुली/सिन्धुलीको घ्याङलेख गाउँपालिकाकी प्रजिना बम्जनले केहि समय अगाडि वैदेशिक रोगजारीमा जानको लागि जिल्ला प्रशासन कार्यालय सिन्धुलीबाट राहदानी लिनुभयो । तर एकाएक वहाँको मन बद्लियो र अहिले प्रजीना (कान्छीमाया बम्जन ) अटो चलाएरै स्वरोजगार बन्नुभएको छ ।
परिवारले प्रजिनाको विहे १५ बर्षमै गरिदिएका थिए । हेटौँडा विहे भएपछि प्रजिनाले एसएलसीमै पढाई छोड्नुपर्यो । १६ बर्षको उमेरमा आमा बन्नुभयो । नेपाली सेनाको जागिर छोडेर प्रजिनाको श्रीमानले डबल क्याब बोलेरो किनेर सिन्धुलीमै चलाउनु सुरु गरेपनि खासै राम्रो कमाई भने भएन ।
वैदेशिक रोजगारीको लागि श्रीमान् मलेसिया जानुभयो । कमलामाई नगरपालिका वडा नम्बर ४ स्थित धुराबजारमा डेरा लिएर बसिरहनुभएकी प्रजीनाले अटो किन्ने सोच बनाउनु भयो । वहाँको त्यो सोँचले अहिले राम्रै उपलव्धि भैरहेको छ । २५ बर्षीय बम्जनले ४ बर्षदेखि अटो चलाएरै घरखर्च र अटोको किस्ता तिर्नुभएको छ ।
“छोरालाई बिहान स्कूल पु¥याएर दिउँसोको समयमा बजारमा अटो चलाउँछु भन्ने श्रीमान्लाई प्रस्ताव गरें । सुरुमा त अन्कनाउनु भयो । पछि हुन्छ चलाउन त भन्नुभयो” प्रजीनाले सुनाउनुभयो । वहाँले सुरुमा पूरानै अटो सिकेर चलाउनुभएको हो । त्यसवेला महिलाले चलाएको अटो भन्दै यात्रुहरुले खासै विश्वास गरेनन् । महिलाले नी अटो चलाउँछन् भनेर विश्वास दिलाउँन केहि समय लागेको वहाँको भनाई छ । पुरुषले चलाएको उहि अटो चढ्न यात्रुलाई कुनै शंका नहुने तर त्यहि अटो महिलाले चलाउँदा विश्वास दिलाउँन समय लागेकोप्रति वहाँको गुनासो छ ।
विदेशमा नेपालीहरूले भोगिरहेको अपमानित जीवनबारे आफन्त र साथीहरुले भोगेको भोगाईले उहाँलाई हिम्मत हार्दिन भन्ने साहस थियो । जबसम्म नाडीमा रगत र शरीरमा बल हुन्छ तबसम्म मालिकहरूले हाइहाइ गर्छन् भनेर सुनाउथे साथीहरुले प्रजिनालाई । अर्काको देशमा मर्दा कुकुर बिरालो मरेजस्तै हुन्छ नेपालीको हालत भनेर साथीहरुले आफ्नो भोगाई सुनाइरहँदा प्रजिनालाई भने नेपालमै केहि गर्नुपर्छ भन्ने सोँच आइरहन्थ्यो ।
सोहि अनुरुप वहाँले अटो चलाउन सुरु गर्नुभयो । सुरुसुरुमा केहि गार्हो भएपनि अहिले सहज भएको वहाँको भनाई छ । अहिले दिनमा १ हजार देखि २५०० रुपैयाँ सम्म आम्दानी हुनेगरेको प्रजिना बताउनुहुन्छ ।
प्रजिनाले अहिले नयाँ अटो किन्नुभएको छ । ६ लाख ३५ हजारमा किस्तामा अटो लिएर चलाइरहनुभएको छ । दिनभरि अटो चलाएर साँझ घरधन्दा भ्याउनुहुन्छ । परिवारलाई समय दिनुहुन्छ ।
पैसा नभएर व्यवसाय गर्न पाइएन, सानो काम गर्न लाज लाग्छ, महिलाले सवारी चलाउन सक्दैनन् भन्ने लगायतका बहाना गर्नेहरुका लागि प्रजिना एउटा सफलताको कडि बन्नुभएको छ । काम सानो ठूलो हुँदैन, लगानी नहुँदा पनि इच्छाशक्ति भए काम गर्न सकिन्छ भन्ने कुराको गतिलो प्रमाण प्रजिना पनि हो । जोखिम बहन गरेर इमान्दारिताका साथ कर्म गरे सफल हुन सकिने वहाँको अनुभवले सिद्ध गरेको छ ।
“मैले कमाएको पैसाले छोरो पढाउन, घर खर्च र अटोको किस्ता तिर्न पुगिहाल्छ । श्रीमान्ले पठाउनु भएको पैसा बचत हुन्छ” उहाँले खुसी सुनाउँनुभयो । कमलामाई नगरपालिकाले अटोचालक प्रजिनालाई अन्तर्राष्ट्रिय महिला दिवसको दिन सम्मान समेत गरेको थियो । यस्ता गतिबिधिले काममा झनै उर्जा मिल्ने प्रजिनाको अनुभव छ ।अटोबाट राम्रो आम्दानी भएको देखेपछि अहिले छिमेकी महिला पनि अटो चलाउन थालेको प्रजिनाले बताउनु भयो । ‘मैले अटो तालिम लिने बेलामा छोरी मान्छेले पनि अटो चलाउने भन्ने दिदीबहिनी नै अहिले अटो चलाएर आम्दानी गर्न पाए हुन्थ्यो भनेर सोध्नुहुन्छ’, उहाँले भन्नुभयो । कतिपयले त अटो किनेर चलाउन सुरु गरिसकेको देख्दा आफूलाई निकै खुसी लागेको प्रजिनाले सुनाउनुभयो ।
News Desk 0 response मङ्लबार, चैत्र २०, २०८०
पुरुषको तुलनामा महिला चालकले ट्राफिक नियम पालना गर्ने भएकाले दुर्घटना पनि कम हुने गरेको पाइएको जिल्ला ट्राफिक कार्यालय सिन्धुलीका प्रमुख यज्ञ पालले बताउनु भयो । महिला चालकले तीव्र गतिमा नचलाउने र दुर्घटना हुने सम्भावना कम हुने पालको भनाई छ ।
सम्बन्धित शीर्षकहरु
सिन्धुली प्रशासनले राहदानी सिफारिसबाट उठायो ४ करोड ९१ लाख राजस्व
शुक्रबार, साउन ११, २०८१करदाता सेवा कार्यालय सिन्धुलीले लक्ष्यको ८२ प्रतिशत कर उठायो
बिहिबार, साउन १०, २०८१सिन्धुलीमा पहिलोपटक दुर्बिनबाट पत्थरीको सफल शल्यक्रिया
मङ्लबार, साउन ८, २०८१गोलन्जोरमा अटो पल्टिदा एकको मृत्यु , सात जना घाइते
शुक्रबार, साउन ४, २०८१-
सिन्धुली प्रशासनले राहदानी सिफारिसबाट उठायो ४ करोड..
शुक्रबार, साउन ११, २०८१ -
करदाता सेवा कार्यालय सिन्धुलीले लक्ष्यको ८२ प्रतिशत..
बिहिबार, साउन १०, २०८१ -
सिन्धुलीमा पहिलोपटक दुर्बिनबाट पत्थरीको सफल शल्यक्रिया
मङ्लबार, साउन ८, २०८१ -
गोलन्जोरमा अटो पल्टिदा एकको मृत्यु , सात..
शुक्रबार, साउन ४, २०८१ -
सिन्धुलीको वनबाट गत आवमा १ करोड ६१..
शुक्रबार, साउन ४, २०८१
-
सिन्धुली प्रशासनले राहदानी सिफारिसबाट उठायो ४ करोड..
शुक्रबार, साउन ११, २०८१ -
करदाता सेवा कार्यालय सिन्धुलीले लक्ष्यको ८२ प्रतिशत..
बिहिबार, साउन १०, २०८१ -
सिन्धुलीमा पहिलोपटक दुर्बिनबाट पत्थरीको सफल शल्यक्रिया
मङ्लबार, साउन ८, २०८१ -
गोलन्जोरमा अटो पल्टिदा एकको मृत्यु , सात..
शुक्रबार, साउन ४, २०८१ -
सिन्धुलीको वनबाट गत आवमा १ करोड ६१..
शुक्रबार, साउन ४, २०८१
-
सिन्धुलीमा पहिलोपटक दुर्बिनबाट पत्थरीको सफल शल्यक्रिया
मङ्लबार, साउन ८, २०८१ -
गोलन्जोरमा अटो पल्टिदा एकको मृत्यु , सात..
शुक्रबार, साउन ४, २०८१ -
मालपोत कार्यालय सिन्धुलीबाट ११ करोड भन्दा बढी..
बिहिबार, साउन ३, २०८१ -
इन्सेक सिन्धुलीले सिडिओ मार्फत प्रधानमन्त्रीलाई ज्ञापनपत्र, रोम..
बिहिबार, साउन ३, २०८१ -
सिन्धुलीको वनबाट गत आवमा १ करोड ६१..
शुक्रबार, साउन ४, २०८१