सिन्धुलीमा नयाँ नागरिकता लिने महिलाको संख्या बढी, प्रतिलिपि लिनेमा पुरुष अगाडि

सिन्धुली/सिन्धुलीमा नयाँ नागरिकता लिने महिलाको संख्या पुरुषको भन्दा बढी देखिएको छ ।

जिल्ला प्रशासन कार्यालय सिन्धुलीको तथ्यांक अनुसार २०८२ सालदेखि २०८३ सालको चैत महिनासम्म ९ हजार ९१९ जनाले नयाँ नागरिकता लिएका छन् ।

नयाँ नागरिकता लिनेमा ५ हजार २१३ जना महिला छन् भने पुरुषको संख्या ४ हजार ७०६ रहेको छ । यसरी हेर्दा पुरुषको तुलनामा ५०७ जना बढी महिलाले नयाँ नागरिकता लिएका जिल्ला प्रशासन कार्यालय सिन्धुलीका प्रशासकीय अधिकृत प्रवीण कटवालले जानकारी दिनुभयो ।

फेरीयता नागरिकताको प्रतिलिपि लिनेमा भने पुरुषको संख्या बढी छ । सोही अवधिमा ५ हजार ३११ जनाले नागरिकताको प्रतिलिपि लिएको जिल्ला प्रशासन कार्यालयको तथ्यांक छ ।

प्रतिलिपि लिनेमा ३ हजार २१६ जना पुरुष र २ हजार ९५ जना महिला छन् । अर्थात् महिलाको तुलनामा १ हजार १२१ जना बढी पुरुषले नागरिकताको प्रतिलिपि लिएका छन् ।

जिल्ला प्रशासन कार्यालय सिन्धुलीका प्रशासकीय अधिकृत कटवालले उपलब्ध गराउनुभएको विवरण अनुसार नयाँ नागरिकता लिनेमा महिला बढी देखिएका छन् भने प्रतिलिपि लिनेमा पुरुषको संख्या बढी रहेको छ ।

उहाँको अनुसार सो अवधिमा  कुल १५ हजार २३० जनाले नयाँ नागरिकता र प्रतिलि लिएका छन् ।


प्रतिक्रिया

Leave a Reply

Your email address will not be published. Required fields are marked *