जेठ १७, सिन्धुली/गायक स्वरुपराज आचार्य र संगितकार रमेश खड्काको नयाँ आधुनिक गीत सार्वजनिक भएको छ।

चर्चीत भर्सटायल गायक स्वरुपराज आचार्यको स्वर तथा गायक तथा संगितकार रमेश खड्काको संगितमा ‘ठोकिएका पाईलाहरु’ बोलको नयाँ आधुनिक गीत सार्वजनिक गरिएको हो । गायक आचार्यको स्वर र खड्काको संगितमा यस अघि पनि दर्जनौ सुगम संगित बजारमा आइसकेका छन् । यसैक्रममा शिवशरण खड्काको शव्दमा अहिले ‘ठोकिएका पाईलाहरु’ बोलको सुगम संगित तयार भएको छ ।

संगितमा नै आफ्नो डेढ दशक समय विताइसकेका खड्काले दर्जनौँ गीतहरुमा स्वर दिएका छन् भने ५ सय भन्दा बढि गीतहरुमा संगित भरिसक्नुभएको छ । नेपालका नयाँ तथा पूराना अधिकांस गायक गायीकाहरुले खड्काको संगितमा स्वर दिइसकेका छन् । यसपटक चर्चित गायक स्वरुपराज आचार्यको स्वरलाई संगितकार खड्काले फेरी एकपटक नेपाली संगितप्रेमीहरुमाझ ल्याउनुभएको छ । सुगम संगितका पारखीहरुले यस्तो गीत मन पराउने संगितकार खड्काको भनाई छ । गीतको एरेन्जमेन्ट दुर्गा बहादुर तामाङ्ले गर्नुभएको छ ।