साउन ३०, सिन्धुली/सेन्चुरी कमर्सियल बैंक लिमिटेड कमलामाई शाखाले स्वास्थ्य बीमा बापतको दाबी भुक्तानी गरेको छ । बैंकको शताब्दी बचत खातावाल गिरिजादेवी जैसवालललाई स्वास्थ्य उपचारमा भएको खर्चको बील अनुसारको बीमा दावी भुक्तानी गरिएको हो ।

बैंकको शताब्दी बचत खातामा ७ लाख रुपैयाँसम्मको निःशुल्क बीमा सुविधा रहेको छ । जस अन्तर्गत कमलामाई नगरपालिका वडा नं.५ निवासी जैसवालले स्वास्थ्य बीमा बापतको रु.७ हजार आठ रुपैयाँ दावी भुक्तानी पाउनुभएको हो । बिना कुनै झन्झट, बील पेश गर्ने वित्तिकै उपचार खर्च बराबरको रकम तुरुन्तै उपलव्ध हुने सेन्चुरी कमर्सियल बैंकको यो सुविधा निकै राम्रो लागेको जैसवालले बताउनुभयो । सेन्चुरी बैंकको शताब्दी बचत खातामा रु.१ लाख सम्मको निःशुल्क स्वास्थ्य बीमा सुविधा, रु.१ लाख सम्मको विभिन्न १८ वटा घातक रोगहरु विरुद्धको बीमा र रु.५ लाख सम्मको निःशुल्क दुर्घटना बीमाको व्यवस्था रहेको बैंकका कमलामाई शाखा प्रवन्धक हेमहरि श्रेष्ठले जानकारी दिनुभयो । यस खातामा ग्राहकहरुले वार्षिक ८.०३ प्रतिशतको उच्च व्याजदरका साथै ७ लाख रुपैयाँ सम्मको निःशुल्क बीमा सुविधा प्राप्त गर्न सक्नेछन् ।

यसका साथै बैंकमा निःशुल्क मोबाइल बैंकिङ्, इन्टरनेट बैंकिङ्, भिषा डेबिट कार्ड, लकर सेवा, डिम्याट खाता र मेरो शेयरको निःशुल्क सुविधा रहेको शाखा प्रवन्धक श्रेष्ठले बताउनुभयो । सेन्चुरी कमर्सियल बैंकमा रहेको शताब्दी बचत खाता निकै प्रभावकारी रहेको बताउँदै बीमीत गिरिजादेवी जैसवालले घातक रोगबाट पिडित र औषधि सेवन गरिरहनेहरुले समयमै यो खाता खोलेर लाभ लिनुहुन अनुरोध गर्नुभएको छ । बैंकका शाखा प्रवन्धक हेमहरि श्रेष्ठले सेन्चुरी बैंकमा रहेको शताब्दी बचत खाता घातक रोगबाट पिडितलाई मात्र नभएर सबैका लागि एउटा प्रभावकारी सेवा भएको स्पष्ट पार्नुभयो ।