-
सिन्धुली अस्पताल यहाँको सबै भन्दा ठूलो स्वास्थ्य संस्था हो । अहिले विश्व कोभिड–१९ को महामारीले आक्रान्त छ । यस्तो अवस्थामा सिन्धुली अस्पताल सिन्धुलीवासीका लागि स्वास्थ्य सेवा प्राप्त गर्ने विश्वासको धरोहर हो । अस्पतालको नेतृत्वको हिसाबले सिन्धुली अस्पताल सञ्चालन तथा व्यवस्थापन समितिका अध्यक्ष प्रलाद कुमार पोख्रेललाई यतिवेला ठूलो जिम्मेवारी छ । अस्पतालको विकास तथा सेवा प्रवाहमा अहोरात्र खटिरहनु भएको छ अध्यक्ष पाख्रेल । प्रस्तुत छ, अध्यक्ष पोख्रेलसँग अस्पतालको आगामी योजना तथा कोरोना महामारी नियन्त्रणका लागि भएको तयारीका विषयमा सिन्धुली अपडेट/सिन्धुली खबर डटकमका लागि नविन श्रेष्ठले लिनु भएको अन्तरवार्ताको सम्पादित अंश–
तपाईं सिन्धुली अस्पताल विकास समितिको अध्यक्ष हुनु भएको कति भयो ? र तपाई अध्यक्ष भएपछि अस्पतालमा के के विकास भए ?
– म जिल्ला अस्पताल विकास समितिको अध्यक्ष भएको १७ महिना भयो । अहिलेसम्म देखिनेखालको त्यस्तो ठूलो विकास र परिवर्तन त भएको छैन । ठूलो परिवर्तन भने पनि जे भने पनि यहाँ गाईनो डाक्टर नभएर यहाँका गर्भवती महिलाहरु प्रसुतिका लागि काठमाण्डौं जानुपर्ने वातावरण थियो । अहिले त्यसको अन्त्यको लागि पहल गरियो । हामीले नेपाल सरकारलाई घचघच्याएर काठमाण्डौबाट एमडिजिपी ल्यायौं, प्रदेश सरकारले पनि एउटा डाक्टर उपलब्ध गरायो । अहिले सबै खाले प्रसुतिको सुविधा छ । अहिले यहाँ एपेन्डीसाईडको उपचार सुविधा छ । पहिला आफूबाट नै विश्वास दिलाउनु पर्छ । मैले आफ्नो बुहारीको एपेन्डीसाईडको अप्रेसन गरेर सुरुवात गरें । अहिले सम्म ५/६ जनाले सुविधा लिईसकेका छन् ।
अस्पतालमा मेरो मात्र पहल हैन । हामीले त व्यवस्थापकीय जिम्मेवारी वहन गर्ने हो । आम जिल्लावासीको चासोको विषय हो सिन्धुली अस्पताल । अहिले प्रदेश माननीयहरुको पहलमा बागमती प्रदेश सरकारले १०० वेडको नमूना अस्पतालन वनाउने नीति तथा कार्यक्रममा राखेको छ । विश्वमा कोभिड– १९ को माहामारी आईसकेपछि आईसियुको लागि व्यवस्थापन गरिरहेका छौं । हामीसँग पर्याप्त भवन भएन । भएका भवनहरुलाई व्यवस्थापन गरेर प्रयोग गरिरहेका छौं । बच्चाको लागि एनआईसियु र तीन वार्डको आईसियु तयारी गरिरहेका छौं । यो पनि ठूलो उपलब्धि हो । अर्को कुरा बिरामीले विमाको औंषधि नपाएर समस्या झेलिरहेको अवस्थामा त्यो समस्याको न्यूनिकरण गरिरहेका छौं । १२ सय औंषधि मध्ये १२ सय नै औषधि त उपलब्ध नहुन सक्छ तर पनि यो महामारीको वेला पनि बार मिलाएर अतिआवश्यकीय औषधि उपलब्ध गराईरहेका छौं । नियमित औषधि सेवन गर्नेहरुका लागि अहिले समस्या छैन । निशुल्क औषधिको भर्खर टेण्डर भएको छ । जम्मा १ सय ३१ प्रकारका औषधि किन्नु पर्नेमा करिब ६० प्रकारको औषधि त मौज्दात नै छ । यसले साउन मसान्त सम्मलाई नै पुग्छ । अरु औषधिको लागि टेण्डर गरेका छौं । अब १०/१२ दिनमा त्यो औषधि पनि आईपुग्छ । हामीसँग पर्याप्त औषधि छ तर मानिस मेडिकल जान्छन् । हामीसँग नेपाल सरकारले तोकेका र सोहि मापदण्ड अनुसारका महंगा औषधि पनि छन् । गुणस्तरीय औषधिहरु छन् । नपुग औषधि चाँडै आपूर्ति गर्न लागिरहेका छौं ।
सिन्धुली अस्पतालमा अहिले १६ जना डाक्टर, २२ जना स्टाफ नर्स हुनुहुन्छ । अझै पनि दरबन्दि अनुसारका विशेषज्ञ सबै छैनन् । हामीसँग सर्जन हुनुहुन्छ । गाईनो नै नियमित बस्ने हुनु हुन्न तर पनि आधारभुत तहको स्वास्थ्य उपचार चै उपलब्ध गराईरहेका छौं । पूरै सुधार हुन त सबै खालका विशेषज्ञ सेवा दिनुपर्छ । त्यो अहिले दिन सकिरहेका छैनौं । मैले नै पहल गरेर अहिले नगरपालिकाले थाईराइडको परिक्षण गर्ने मेसिन खरिदको प्रक्रिया अगाडी वढाई सकिएको छ । त्यो मेसिन आएपछि १७ मिनेटमा नै थाईराइडको रिपोर्ट आउँछ । हामीसँग अल्ट्रासाउण्डको मेसिन पनि छ तर त्यो मेशिनले सामान्य इको पनि नहुने भएकोले मुटुको विरामी काठमाण्डौं जनुपर्ने समस्या छ । त्यसको लागि पनि हामीले टेण्डर गरेका छौं । एयरपोर्टमा आएर सामान बसेको छ । लकडाउनका कारण उताबाट कागजपत्र नआईदिएको हुनाले ल्याउन सकेको छैनौं ।
अर्को कुरा यो अस्पतालको भवन पहिला नै बनेको भए सिन्धुलीवासीले राम्रै सेवा सुविधा पाउने थिए । भवन अभाव कै कारण धेरै सुविधा दिन सकिरहेका छैनौं । गत वर्ष नै ३८ करोडको ठेक्का लागि सकेको छ । अहिले लकडाउनको कारण काम हुन सकिरहेको छैन । अबको २ अढाई वर्षमा यहाँ हेर्न लायकको भवन बन्छ । यो पनि सिन्धुली अस्पतालको उपलव्धि नै हो ।
सिन्धुली अस्पतालमा कार्यरत डाक्टर तथा स्टाफनर्सहरूकोरोना महामारीलाई नियन्त्रण गर्न सिन्धुली अस्पतालले कस्तो तयारी गरिरहेको छ ?
– हामीसँग १४ ओटा आइसोलेससन वेड छन् । त्यो सामान्यतया मापदण्ड अनुसारकै छ । डब्लुएचओको मापदण्ड अनुसार प्रत्येक वेड छुट्टाछुट्टै कोठामा एटेच ट्वाईलेट हुनुपर्छ । त्यसको लागि त हामीसंग भवन अभाव छ । तथापि सामान्य मापदण्ड पूरा गरेर आईसोलेसन निर्माण गरेका छौं । सबैमा अक्सिजन जोडेका छौं । तपाईको सञ्चारमाध्यमबाट के कुरा प्रष्ट पार्न चाहान्छौं भने पब्लिक सेक्टरको स्वास्थ्यको जिम्मेवारी भनेको स्वास्थ्य कार्यालयको हो । हाम्रो अस्पतालको काम भनेको अस्पतालमा सेवा लिन आउने विरामीमा कोरोनासँग मिल्दो जुल्दो लक्ष्यण देखियो भने उनीहरुको आरडिटि परिक्षण गर्ने, पिसिआर परिक्षणको लागि स्वाव संकलन गर्ने र तिनीहरुलाई आईसोलेसनमा राख्ने काम हो । तर पनि सामाजिक उत्तरदायित्व भएकोले र भिटिएम झिक्ने तालिम प्राप्त जनशक्ति हामीकोमा मात्र भएकोले हामीले सहयोग गरिरहेका छौं । हाल सम्म ९७ जनाको भिटिएम संकलन गरेर पिसिआर परिक्षणको लागि पठाएका थियौं । उनिहरु सबैको रिपोर्ट पनि नेगेटिभ आईसकेको छ । हाल सम्म सिन्धुलीमा कोरोना पोजेटिभको अवस्था सुन्य नै हो । यो सिन्धुलीबासीका लागि खुसीको कुरा हो । यो सबै हामी सबैको सजकताले हो । यो सिन्धुली अस्पताल एक्लैले गरेर होईन । हामीले पहिला हात धुने बानीको विकास गराएका थियौं । हामीले भौतिक दुरी, सामाजिक दुरी कायम ग¥यौँ भने पनि संक्रमण हुनबाट बच्न सकिन्छ । यो अझै कति समय जानसक्छ भन्ने यकिन छैन । तसर्थ सामाजिक दुरी कायम गर्दै व्यक्तिगत सरसफाईमा ध्यान दिनु नै अहिलेको मुख्य उपचार हो ।
सबै स्वास्थ्य संस्थाहरु कोरोना महामारी नियन्त्रणमै केन्द्रित रहिरहेको अवस्थामा अन्य रोगीहरुले सेवा पाईरहेका छैनन्, यसलाई कसरी व्यवस्थापन गर्नु भएको छ ?
–अहिले हाम्रो ओपिडि बन्द छ । तथापि इमरजेन्सि मार्फत सेवा उपलब्ध गराईरहेका छौं । बजार लकडाउन खुकुलो भए पछि ओपिडि पनि संचालन गर्ने तयारी छ । कोरोनाका कारण अन्य रोगका विरामीले उपचार नपाउने समस्या सिर्जना भएको छ । त्यो कुरा हामीले महसुस गरेका छौं । यो समस्याको समाधान पनि खोजि रहेका छौं । बिमा मार्फत नियमित औषधि सेवन गर्ने विरामीको सेवा रोकेका छैनौं । डेलिभरि निरन्तर सञ्चालनमा छ । अन्य सबै सेवाहरु निरन्तर छन् । ओपिडी सेवा पनि भिडलाई व्यवस्थित गरेर सञ्चालन गर्ने योजनामा छौं । तथापि ओपिडि सञ्चालन नभए पनि निर्धक्कसाथ आए हुन्छ सबै खालका उपचार हुन्छ । केहि गुनासो आएको छ । दैनिक ३/४ सय विरामी उपचार हुने अस्पतालमा एक डेढ सयको उपचार भईरहँदा केहि गुनासो आउनु स्वभाविक हो । मेडिकलहरु पनि बन्द भएको अवस्थामा एउटा साहारा भनेको सिन्धुली अस्पताल हो । त्यो पनि भएन भने त समस्या हुन्छ । केहि कमीकमजोरी छन् । तीनको छिट्टै सामाधान पनि गरिन्छ ।
सिन्धुली अस्पतालमा एपेण्डीसाइडकाे अप्रेशन गरिदै ।सिन्धुली अस्पताल व्यवस्थापनले सूचना लुकाउने गरेको गुनासो आईरहेको छ नि ?
News Desk 0 response मङ्लबार, जेष्ठ २०, २०७७
– हामीले सूचना लुकाएका छैनौं । यो भन्दा अगाडी अस्पताल व्यवस्थापन समितिमा मोलमोलाईमा काम गर्ने गरिन्थ्यो । मैले अहिले प्रत्येक सामाग्रिको टेण्डर गरिदिएको छुं । हामीले प्रत्यक्ष खरिद गर्न पाउने सामानको पनि टेण्डर गरिदिएका छौं । जहाँसम्म आरडिटि छ कि छैन, भिटिएम छ कि छैन त्यो पनि लुकायो भन्ने बजार चर्चा सुनिन्छ । हामीलाई प्रेदेश सरकारले २ सय ओटा अस्पतालको नाममा भिटिएम पठाएको हो । अरु स्वास्थ्य कार्यालयमा आएको हो । त्यस मध्ये ६९ ओटा आरडिटि छ । अदालतले थुनुवालाई अनिवार्य आरडिटि परिक्षण गर्नुपर्ने व्यवस्था छ भनेर २० वटा लगेको छ । अरु ५/७ ओटा भिटिएम आपतकालिन अवस्थामा प्रयोग गर्न राखिएको छ । सूचना लुकाउने कुरा नै छैन । यसपालि साउन पन्ध्रसम्म सार्वजनिक सुनुवाई गर्छौं । अस्पतालको आम्दानी खर्च सार्वजनिक गर्छाैं । प्रश्न उठ्ला अध्यक्ष विहान देखि नै खट्छ यसले केहि सेवा सुविधा लिएको छ कि ? सबैकुरा सर्वाजनिक गरिदिन्छौं । सामाजिक परिक्षण गरेर सार्वजनिक गरिदिन्छु । यो सार्वजनिक सम्पत्ति हो, सूचना लुकाउनुपर्ने आवस्यकता छैन । हामीले एकद्वार प्रणालीमार्फत खर्च गरेका छौं । सहयोग प्राप्त प्रत्येक रकम सार्वजनिक गरेका छौं । कसैको पैसा पनि व्यक्तिको हातमा लिएका छैनौं । खातामा जम्मा गरेका छौं र निर्णय गरेर खर्च गरेका छौं ।
स्वाव परिक्षणको लागि ल्याव ल्याउने कुरा कहाँ पुग्यो ? सिन्धुलीमा नै ल्याव आउछ ?
– प्रदेश सरकारले प्रदेश भरि ३ स्थानमा स्वाव परिक्षणको ल्याव सञ्चालन गर्ने योजना अनुरुप सिन्धुली अस्पतालमा पनि प्रस्ताव आएको थियो । हाम्रो समस्या भनेको भवनको हो । ल्याव संचालन गर्न उच्च सतर्कता अपनाउनुपर्ने हुन्छ । यो भाईरस परिक्षणको कुरा हो, एकान्त स्थान चाहिन्छ । बिजुली देखि लिएर अन्य सुविधा पनि जडान हुनुपर्ने रहेछ । पिसिआर परिक्षणमा कोरोनाको मात्र परिक्षण हुने होईन, दादुरा रुवेला, झाडापखला लगाएत रोगको पनि परिक्षण हुने हो । सबैले भने ‘घर किन नपाउनु ?’ तर घर पाईएन । त्यसैले प्रमुख जिल्ला अधिकारीको अध्यक्षतामा केहि दिन अघि बैठक बसेर अहिले क्वारेन्टीन सञ्चालन भई रहेको भू–संरक्षणको कार्यालयमा ल्याव सञ्चालन गर्ने निर्णय गरेर पठाएका छौं ।
बागमति प्रदेश सरकारको नीति तथा कार्यक्रममा सिन्धुली अस्पताललाई एक सय वेड सहितको नमूना अस्पतालमा विकास गर्ने भनिएको छ, यो कहिले सम्म बन्छ ?
–पहिलो कुरा त हाम्रो भवन छैन सय वेड सञ्चालन गर्न । अव सय वेडको अस्पताल सञ्चालनको लागि भवन वन्छ । दरबन्दी सृजना हुन्छ । इमेरजेन्सि सहित सय वेडको सेवा त सुचारु हुन्छ तर सय वेड भनेपछि त नाक, कान, घाँटी, साईक्याट्रिक सहित सबै खालको सेवा सुचारु गर्नु पर्छ । यो भनेको विशिष्टिकृत सेवा हो । सोही खालको दरबन्दी सृजना गर्नुपर्ने हुन्छ । भबन बन्न नै दुई अढाई वर्ष लाग्छ । भवन बन्न समय लाग्छ भन्दैमा सेवा बन्द हुने त होईन तर जब पूर्ण संरचना बन्छ अनिमात्र सेवा सुचारु हुन्छ । सबै ल्याबहरु व्यवस्थित हुन समय लाग्छ तर निरास हुनुपर्ने अवस्था छैन । प्रकृया अगाडी बढेको छ । तपार्इं हामी सबैको साथ सहयोगमा यो चाँडै सुविधा सम्पन्न अस्पताल बन्छ भन्नेमा कुनै शंका नगर्दा हुन्छ ।
सिन्धुली अस्पतालले आफ्नो जग्गा पनि सबै प्रयोग गर्न पाएको छैन । सिन्धुली अस्पताललाई जग्गा अभाव छ भन्नु भएको थियो । अस्पतालको खास जग्गा कति हो र कति आवश्यक पर्छ ?
–सिन्धुली अस्पतालको लालपुर्जामा १ विघा १६ कठ्ठा जग्गा छ । अगाडी सटर बनेको छ । काल खण्डमा त्यो सटर किन बन्यो, के प्रयोजनको लागि बन्यो त्यो समिक्षाको विषय होला । रेडक्रसले २ कठ्ठा जग्गा लिएको छ । त्यो कहिले सम्मको लागि सम्झौता छ केहि थाहा छैन । रेडक्रससँग कुरा गरेर यो अप्ठ्यारो अवस्थामा त्यहाँ मान्छे राखौं भन्दा मिल्दैन भन्नु भयो । मालपोत त अस्पतालले तिरिरहेको छ । भाडा उहाँहरुले उठाईरहुन भएको छ । त्यो भाडा हामीलाई आए पनि त विशेषज्ञ डाक्टर राख्न सकिन्थ्यो । रेडक्रसले आफ्नो दुई ओटा भवन भाडामा लगाईरहेको छ । कम्तिमा पनि पहिला दुःखमा प्रयोग ग¥यो अहिले अन्त स्तानान्तरण गरेको भए त्यहाँ हामी ल्याव सञ्चालन गर्न सक्थ्यौँ, डाक्टरलाई बस्नका लागि व्यवस्थापन गर्न सक्थ्यौँ । अब केहि दिनमा नै यहाँ डाक्टरहरु बसेका भवनहरु भत्किँदै छन् । भत्केपछि समस्या छ । अगाडीको सटरहरु सबै भत्किँदै छन् । मास्टर प्लान अनुसार भत्किन्छ । अस्पतालको छेउमा सिमेन्ट, चल्ला र दाना वेच्न मिल्ला ? मादक पदार्थ र धु्रम्रपान बेच्न मिल्ला ? त्यहाँ त मलाई लाग्छ औषधि पसल, जुस पसल, सुत्केरीलाई खुवाउने ज्वानोको झोल वनाएर बेच्ने पसल हुुनुपथ्र्यो । त्यहाँ अहिले विचित्रको अवस्था छ । यो सबै मास्टरप्लान अनुसार नै भत्किन्छ । मास्टर प्लान अनुसार धेरै कुरा बन्दै छ । मैले कुनै आग्रह पुर्वागह लिएर होईन । मलाई यहाँबाट लोकप्रियता कमाउनु छैन । तर आधारभूत तहका नागरिकले सेवा सुविधा पाउनुपर्छ भन्ने मेरो मान्यता हो र म सोहि अनुसार काम गर्दैजानेछु ।
मैले अस्पतालमा आएको सबै सेवा सुविधा आवश्यकताको आधारमा सेवा प्रवाह गर्न कुनै कन्जुस्याई गरेको छैन । पहिला सामाजिक सुरक्षा कोषमा आएको पैसा खर्च हुँदैन थियो । अहिले मैले आवश्यकताको आधारमा वितरण गरेको छु । विपन्न परिवारका विरामीलाई ८ हजार गाडी भाडा दिएर उपचार गर्दा ज्यान बाँच्छ भने म गर्छु । सिन्धुली अस्पताललाई सबैले माया गरिदिनु भएको छ । हितलाल श्रेष्ठ ज्यूहरुले सामुदायिक वन महासंघबाट एक लाख दिनु भयो । त्यस्तै उज्वलविक्रिम थापाले दिनु भएको छ । यस्ता धेरै दाताहरुको लगाव छ । आज पनि आईपासले करिब १ लाख ७९ हजार बराबरको सामाग्रि दिनु भएको छ । यहि सहयोग निरन्तरता रह्यो भने यो अस्पतालले विशिष्ट सेवा दिने समय नजिकै छ ।
तपाईं राजनीतिकर्मी पनि हुनुहुन्छ । अहिले तपाईं अहोरात्र अस्पतालको सुधारमा खटिनु भएको छ । केहि मानिसहरु यसमा पनि राजनीतिक फाईदा लुकेको छ भन्छन् नी ?
–यस्तो सोचाइ सरासर गलत हो । म यहाँ विशुद्ध समाज सेवा गर्न आएको हो । राजनीतिक फिल्ड भनेको बाहिर हो । म यो अस्पतालको कम्पाउण्ड भित्र आएपछि न म यहाँ काँग्रेस हुन्छु, न राप्रपा हुन्छु, न नेकपा हुन्छु । म यहाँ विशुद्ध विरामीलाई सहज उपचार व्यवस्थापन गर्नेमा तल्लीन हुन्छु । अस्पताल बाहिर जाँदा म नेकपाको कार्यकर्ता र नेकपा सिन्धुलीको कार्यालय सदस्य हुँ । राजनीतिकर्मी भएपछि मेरा पनि राजनीतिक अपेक्षा होलान् । तर अस्पतालमा कुनै पनि राजनीतिक फाईदाको लागि प्रयोग हुन्न । पहिला कर्मचारी भर्ना, सामाग्रि खरिदमा विवाद हुन्थ्यो । अहिले त्यस्तो केहि छैन किन भने अहिले खुल्ला प्रतिस्पर्धा मार्फत हुन्छ । मलाई कुनै स्वार्थ पनि छैन आर्थिक लाभ पनि छैन । म कुनै पनि सामाजिक सम्पत्तिमा दुरुपयो गर्दिन । पहिला पहिला यहाँको चलन के रहेछ भने एउटा सामान विग्रियो भने वनाउने र मर्मत गर्ने चलन रहेनछ । सिधै नयाँ खरिद गरिहाल्ने वा बजेट नभए सेवा नै अबरुद्ध गर्ने । अहिले मर्मत गरेर सञ्चालन हुनेसम्म मर्मत नै गर्छाैं । पैसा बाँकी बस्यो भने त राज्यको पैसा बच्छ नी । फेरी पनि दोहो¥याउँछु ‘सिन्धुली अस्पतालको विकास मेरो पहिलो प्राथमिकता हो, मेरो प्रतिवद्धता हो ।’ मैले यो अस्पतालमा गरेको कामलाई यो गरेँ त्यो गरँे भनेर म प्रचारबाजी गर्दिन । यो मेरो समाज सेवा हो । यो अस्पताल सुधार भयो भने हामी सबै सिन्धुलीवासीलाई सुविधा पुग्छ ।
सम्बन्धित शीर्षकहरु
नेकपा एमालेले जिल्लाको ९ वटै पालिकामा अधिवेशन गदैँ
सोमवार, जेष्ठ ७, २०८१कुडुलेमा लेदो माटो खस्दा मध्यपहाडी लोकमार्ग अबरुद्ध
सोमवार, जेष्ठ ७, २०८१मध्येरातमा बजार अनुगमन गरेको भन्दै सिन्धुली उद्योग बाणिज्य संघको आपत्ति
आइतवार, जेष्ठ ६, २०८१सत्तापक्षकै कारण संसद् चल्न सकेन : संँग्रौला
शनिबार, जेष्ठ ५, २०८१-
नेकपा एमालेले जिल्लाको ९ वटै पालिकामा अधिवेशन..
सोमवार, जेष्ठ ७, २०८१ -
लागु औषध सहित २ जना युवक पक्राउ
सोमवार, जेष्ठ ७, २०८१ -
कुडुलेमा लेदो माटो खस्दा मध्यपहाडी लोकमार्ग अबरुद्ध
सोमवार, जेष्ठ ७, २०८१ -
मध्येरातमा बजार अनुगमन गरेको भन्दै सिन्धुली उद्योग..
आइतवार, जेष्ठ ६, २०८१ -
सत्तापक्षकै कारण संसद् चल्न सकेन : संँग्रौला
शनिबार, जेष्ठ ५, २०८१
-
नेकपा एमालेले जिल्लाको ९ वटै पालिकामा अधिवेशन..
सोमवार, जेष्ठ ७, २०८१ -
लागु औषध सहित २ जना युवक पक्राउ
सोमवार, जेष्ठ ७, २०८१ -
कुडुलेमा लेदो माटो खस्दा मध्यपहाडी लोकमार्ग अबरुद्ध
सोमवार, जेष्ठ ७, २०८१ -
मध्येरातमा बजार अनुगमन गरेको भन्दै सिन्धुली उद्योग..
आइतवार, जेष्ठ ६, २०८१ -
सत्तापक्षकै कारण संसद् चल्न सकेन : संँग्रौला
शनिबार, जेष्ठ ५, २०८१
-
गोलन्जोरमा ट्याक्टर दुर्घटना हुँदा एक जनाको घटना..
मङ्लबार, जेष्ठ १, २०८१ -
ढुङ्ग्रेबासको कमला सप्लायर्स बाट डेढ लाख बढीको..
मङ्लबार, जेष्ठ १, २०८१ -
कुडुलेमा लेदो माटो खस्दा मध्यपहाडी लोकमार्ग अबरुद्ध
सोमवार, जेष्ठ ७, २०८१ -
बरालीमा महिलालाई लक्षित गरेर चकटी बुन्ने तालिम..
शनिबार, जेष्ठ ५, २०८१ -
मध्येरातमा बजार अनुगमन गरेको भन्दै सिन्धुली उद्योग..
आइतवार, जेष्ठ ६, २०८१