-
संघियता पश्चात सिन्धुलीमा ९ वटा स्थानीय तह भए । स्थानीय तहको पहिलो चुनाव पश्चात स्थानीय सरकारको नेतृत्व गर्न पनि फरक फरक पार्टीका व्यक्तिहरु चुनिएर आए । निर्वाचनका बेला जनतासंग गरेका वाचाहरु कतिले साँच्चिकै पूरा गर्न अग्रसर भए भने कतिपयले आँखामा छारो हालेर पाँच वर्ष बिताए । अहिले दोश्रो कार्यकालका लागि चुनिएर आएका नेतृत्वहरुले पनि जनतासंग गरेका प्रतिवद्धताहरु कति पूरा गर्ने हुन् हेर्न बाँकी नै छ । यहाँको गोलन्जोर गाउँपालिकाले स्थानीय तहको दोश्रो निर्वाचन पछि पूरै नयाँ नेतृत्व पाएको छ । गोलन्जोरमा भएका विकास निर्माणका कामको अवस्था, नीति निर्माण तथा अन्य विषयमा आधारित रहेर पालिका उपाध्यक्ष ज्वाला प्रसाद न्यौपान (पुकार) संग संगिता डिम्दोङ्ले गर्नुभएको कुराकानीको सम्पादित अंश यहाँ प्रस्तुत गरिएको छ ।
१) तपाईँले गोलन्जोर गाउँपालिकाको उपाध्यक्षको पदभार ग्रहण गर्दा गर्नुभएका प्रतिवद्धता अनुरुप काम गरिरहनुभएको छ ?
News Desk 0 response बिहिबार, बैशाख १४, २०८०
– मेरो मुख्य प्रतिबद्धता गोलन्जोरलाई कृषिमा आत्मनिर्भर बनाउने थियो । साथै गोलन्जोर गाउँपालिकाका सम्पूर्ण जनताहरुको जिवनस्तरमा सहयोग गर्ने खालको काम गर्ने प्रतिबद्धता गरेका थियौँ । मानिसको बुझाई पुर्वाधारको बिकास मात्रै बिकास हो भन्ने छ । तर मैले हिजो निर्वाचनमा पनि त्यहि संकल्प गरेको थिएँ कि पूर्बाधारको बिकास संगसंगै मानिसको जिवनस्तर पनि माथि उठाउने छु ।
निश्चित क्षेत्रमा केन्द्रित गरेर उत्पादनलाई बढाउने गरि लगानी गर्ने तयारीमा छु । जुनार बिस्तारको लागि थुप्रै कार्यक्रम अगाडि बढाइसकेका छौँ भने केहि तयारीमा छन् । जुनार, तरकारी खेती र बाख्रा पालनलाई केन्द्रित गरेर १२ बर्षिय योजना अगाडि बढाइराखेका छौँ । अहिले हामि त्यसैमा केन्द्रित छौँ । निर्वाचित भएर आएको केहि समयमा नै गाउँपालिकाको आन्तरिक कारणले गर्दा लामो समय कार्यालय बन्द भयो । भरखर काम गर्न लागको छौँ । पदभार ग्रहण गर्दा जनतालाई सम्झेर खाएको शपथ र प्रतिवद्धताहरु सम्झेर सोही अनुरुपका काममै हामी केन्द्रित रहनेछौँ ।
२) आम नागरिक भएर हेर्दा र स्थानीय सरकारको उपाध्यक्ष भएर काम गर्दा कस्तो महसुस गर्नुभयो ?
– बाहिर बसेर हेर्दा र आज जिम्मेवारीमा बस्दा धेरै नै फरक पाएँ । पालिकासंग अत्यन्तै सिमित श्रोत साधन छन् । जनताको मुद्धा मात्रै बोकेर हिँड्दा निकै सजिलो थियो । जनप्रतिनीधि भैसकेपछि सोही सिमित स्रोत साधनले जनताका असिमित आवश्यक्ताहरु पूरा गर्न निकै असहज महसुस गरेको छु । तथापि पदिय ओहोदामा बसेर जनतासामु कसम खाइसकेपछि पछि हटेर हैन अगाडी बढेरै जनताका समस्या समाधान गर्नतर्फ अग्रसर छौँ ।
३) गोलन्जोर गाउँपालिकाले यस आ.व.मा कति प्रतिशत विकास बजेट खर्च ग¥यो ?
– साउनबाटै सुरु गर्नुपर्ने काम हामिले गाउँपालिकामा बिबादित भैसकेपछि भर्खरैबाट सुरु गरेका हौँ । काम थुप्रै सम्पन्न भैसकेपनि निकास हुन बाँकि नै छ । हामी गुणस्तरीय काम गर्छाैँ । कुनै पनि हालतमा बजेट फ्रिज हुन दिदैनौं । अहिलेसम्म १० प्रतिशत मात्रै विकास बजेट खर्च भएको छ ।
४) गोलन्जोर गाउँपालिका कर्मचारी नियुक्ति देखि अन्य विषयमा बढि नै विवादित जस्तो देखिन्छ नी ?
– यो त सबै अभावका कारण भएको समस्या हो । बरोजगारी, गरिबीको जुन स्थिती छ यसैका कारण सिर्जना भएको गुनासो हो । रोजीरोटी खोसिँदा स्वभाभिक नै गुनासो, विवाद आइहाल्छ । दक्ष जनशक्तिको अभाब भयो । अदक्ष ब्यक्तिहरुको केन्द्रिकरण बढि भैदियो । यो स्थानीय तहको मुख्य समस्या यहि नै छ । राजनीतिक पहँुचको आधारमा आएका कर्मचारीले स्तर मेन्टेन गर्न सकेनन् । गुणस्तरीय प्रतिफल दिन सकेनन् । यस्ता कर्मचारीलाई हटाउँदा आएको बिबाद हो । अन्य बिवाद गाउँपालिकामा छैन ।
५) उपाध्यक्षलाई अनुगमनको सम्पूर्ण जिम्मेवारी सुम्पिएको हुन्छ । तर गोलन्जोर गाउँपालिकामा खासै अनुगमन भएको पाइँदैन । यसको कारण के होला ?
– नियमित अनुगमन नभए पनि मैले आबश्यक भएको खण्डमा अनुगमन गरिरहेको छु । काम नै ढिलो सुरु भएपछि अनुगमन नदेखिएको हो । गाउँपालिकामा पालिकाका, प्रदेश र संघका आयोजनाहरु छन् । म प्रत्येक योजनाको अनुगमन गरिरहेको छु । गुणस्तरहीन भेटिएका सडक निर्माणका काम मैले पुनः गर्न निर्देशन पनि दिएको छु । राजनीतिक कारणले अनुगमन नै रोकिएको भन्ने होइन । विकासको काममा राजनीति दबाब छैन ।
६) शिक्षा, स्वास्थ्य, खानेपानी, बिजुली तथा रोजगार तर्फ तपाईंले गर्नुभएका कामहरु के कस्ता छन् ?
– शिक्षा
शिक्षाको क्षेत्रमा हामीले बिद्यालय समायोजन तथा कक्षा समायोजन गर्ने शिक्षा सम्बन्धि समस्या समाधानको लागि मेरै संयोजकत्वमा कार्यदल निर्माण गरेका छौँ । विभिन्न विद्यालयमा गएर विद्यार्थीहरुको सुझाब संकलन कार्य पनि गरिरहेका छौँ । गोलन्जोरका बिकट क्षेत्रहरुमा विद्यार्थी पनि न्युन छन् र विद्यालय समायोजनमा पनि कठिन भैरहेको छ । जटिलताका बिच पनि परिस्थिती अनुसार नै शिक्षामा सुधार ल्याउनको निम्ति समायोजनको प्रयत्न भैरहेको छ । शैक्षिक गुणस्तर बृद्धि गर्नको लागि विद्यालयको अनुगमन पनि भैरहको छ । असन्तुलित विद्यालयमा दरबन्दि मिलानको कार्य अगाडि बढिरहेको छ ।
स्वास्थ्य
गाउँपालिकाद्धारा सन्चालित स्वास्थ्य सँस्थाहरुले आधारभूत सेवा प्रदान गरिहेको छ । तत्काल बिज्ञ सहितको स्वास्थ्य सेवा प्रदान गर्न सकिरहेका छैनौं । स्वास्थ्य संस्थाबाट हुने सेवा भने प्रदान भइरहेको छ । नीजि स्वास्थ्य संस्थाबाट जनताले सेवा त पाइरहेका छन् । तर सरकारी तहको अस्पताल नभएका कारण सेवा प्रदानमा समस्या भइरहेको छ । गाउँपालिकामा १५ शैयाको सुबिधा सम्पन्न अस्पताल निर्माणको लागि प्रस्ताव गरिरहेका छौँ र सम्भवत सो काम छिटै हँुदैछ ।
खानेपानी
खानेपानीको लागि केहि नीजि सँस्थासंग समन्वय गरेर काम सन्चालन भइरहेको छ । केहि ठाउँमा हाल सम्म पनि समस्या नै छ । भूकम्प भन्दा पछाडि र बस्ति बस्तिमा सडक निर्माण गर्दा धेरै स्थानमा पानीको स्रोत सुकेकाले स्थानीयलाई सास्ती पनि भइरहेको गुनासो छ । पानीको मुहान अभाबका कारण सबै ठाउँमा खानेपानीको लागि समस्या समाधानमा कठिनाई भइरहेको छ । बासेस्वर, खुर्कोट क्षेत्रमा केन्द्रिय बजेटबाट काम पनि भइरहेको छ । गाउँपालिकाको बजेटबाट पनि सम्भब भएका स्थानहरु केहि ठाउँमा काम भइरहेको छ भने केहि ठाउँमा गर्ने तयारीमा छौँ । गोलन्जोरका जनतालाई खानोपनीको सुविधाबाट बन्चित गराउन नपरोस् भन्ने हेतुले हामी काम गरिरहेका छौँ । काम ढिलो छिटो हुन सक्ला ।
बिजुली
हाम्रो पालिकाको वडा नम्बर १ को केहि भाग भन्दा बाहेक सम्पूर्ण स्थानमा बत्ति बलिसकेको छ । यहि आर्थिक बर्षको अन्तिममा सबै ठाउँमा हामी बिजुली बत्ति पु¥याउने छौँ ।
रोजगार
कृषिलाई व्यवसायिकरण गरेर उत्पादनलाई जोड दिने उद्देश्यले गाउँपालिकाले बाख्रा पालन, जुनार, सुन्तला र तरकारीमा लगानी गरिरहेको छ । जसमा युवाको आकर्षण देखिनुप¥यो । जसको लागि बिभिन्न प्रक्रिया सँस्था दर्ता, अनुदान बितरण तथा बजारीकरणको लागि गाउँपालिका तयार छ । कृषि भन्दा बाहेक रोजगार गाउँपालिकाले दिन सक्ने अबस्था छैन । सबैभन्दा महत्वपूर्ण क्षेत्र कृषि हो । व्यवसायिक कृषि उत्पादनमा जोड दिने हो भने युवालाई रोजगारीका साथ साथै आत्मनिर्भर पनि बनाउन सकिन्छ । तर यसका लागि उनिहरुमा इच्छा शक्ति चाहिँ हुनपर्छ ।
७) गाउँपालिकाको न्यायिक समितीको संयोजक पनि हुनुहुन्छ । विवादहरु आउने क्रम र समाधानको अवस्था कस्तो छ ?
– गाउँपालिकामा प्रायजसो क्षेत्राधिकार भन्दा बाहिरको मुद्धा बढि आएका छन् । सबैभन्दा बाढि हालसम्म लेनदेनको केश आउने गर्छन् जुन गाउँपालिकाको क्षेत्राधिकार भन्दा बाहिर पर्दछ । हालसम्म २ सय भन्दा बढि विवादहरु आएका छन् । त्यसमध्ये ४० वटा जति फछ्र्याैट भएका छन् भने अरु बाँकी छन् ।
समाप्त
सम्बन्धित शीर्षकहरु
सुनकोशी–मरिण डाइभर्सनको सुरुङ ‘ब्रेक थ्रु’
बुधबार, बैशाख २६, २०८१सरकारले गरेको राम्रो काम जनतालाई बुझाउन प्रधानमन्त्री प्रचण्डको निर्देशन
बुधबार, बैशाख २६, २०८१खाङसाङ प्रहरी चौकीलाई डढेलो रोकथाम तथा नियन्त्रणका सामाग्री हस्तान्तरण
सोमवार, बैशाख २४, २०८१तामाङ र नेवार भाषालाई सरकारी कामकाजी भाषा शुभारम्भ घोषणा, सिन्धुलीमा अन्तरक्रिया कार्यक्रम
सोमवार, बैशाख २४, २०८१-
सुनकोशी–मरिण डाइभर्सनको सुरुङ ‘ब्रेक थ्रु’
बुधबार, बैशाख २६, २०८१ -
सरकारले गरेको राम्रो काम जनतालाई बुझाउन प्रधानमन्त्री..
बुधबार, बैशाख २६, २०८१ -
खाङसाङ प्रहरी चौकीलाई डढेलो रोकथाम तथा नियन्त्रणका..
सोमवार, बैशाख २४, २०८१ -
तामाङ र नेवार भाषालाई सरकारी कामकाजी भाषा..
सोमवार, बैशाख २४, २०८१ -
ड्रोनको सहायताले वनमा आगो सल्काउने व्यक्तिको पहिचान..
आइतवार, बैशाख २३, २०८१
-
सुनकोशी–मरिण डाइभर्सनको सुरुङ ‘ब्रेक थ्रु’
बुधबार, बैशाख २६, २०८१ -
सरकारले गरेको राम्रो काम जनतालाई बुझाउन प्रधानमन्त्री..
बुधबार, बैशाख २६, २०८१ -
खाङसाङ प्रहरी चौकीलाई डढेलो रोकथाम तथा नियन्त्रणका..
सोमवार, बैशाख २४, २०८१ -
तामाङ र नेवार भाषालाई सरकारी कामकाजी भाषा..
सोमवार, बैशाख २४, २०८१ -
ड्रोनको सहायताले वनमा आगो सल्काउने व्यक्तिको पहिचान..
आइतवार, बैशाख २३, २०८१
-
पिपलभञ्ज्याङदेखि मैवलेसम्मको ग्रामिण सडक स्तरोन्नति
शुक्रबार, बैशाख २१, २०८१ -
ड्रोनको सहायताले वनमा आगो सल्काउने व्यक्तिको पहिचान..
आइतवार, बैशाख २३, २०८१ -
बागमती प्रदेशको बार्षिक योजना तथा दोस्रो आवधिक..
शुक्रबार, बैशाख २१, २०८१ -
गोलन्जोरका दुई अग्नी पिडित परिवारलाई राहात प्रदान
बुधबार, बैशाख १९, २०८१ -
खाङसाङ प्रहरी चौकीलाई डढेलो रोकथाम तथा नियन्त्रणका..
सोमवार, बैशाख २४, २०८१