चैत्र १९, सिन्धुली/सिन्धुलीमाढीमा जारी तेस्रो कमलामाई नगर स्तरिय मेयरकप फुटबल प्रतियोगिताको बिजेता वडा नम्बर ५ भएको छ ।
कमलामाई नगरपालिकाको तेस्रो नगर स्तरिय मेयरकप फुटबल प्रतियोगिता आज भएको फाइनल खेलमा वडा नम्बर ९ लाई १—० ले पछि पादैँ वडा नम्बर ५ बिजयी भएको हो ।
तेस्रो नगर स्तरिय मेयरकप फुटबल प्रतियोगितामा बिजेता हुने टिम वडा नम्बर ५ ले नगद एक लाख, सिल्ड मेडल र प्रमाण पत्र र उपबिजेता टिम वडा नम्बर ९ ले नगद ५० हजार सिल्ड, मेडल र प्रमाणपत्र प्राप्त गरेको छ ।
प्रतियोगितामा कमलामाई नगरपालिकाको १४ वटा वडा मध्य ११ वटा वडाको सहभागिता रहेको नगर खेलकुद बिकासका अध्यक्ष दिपेन्द्र फूयालले जानकारी दिनुभयो ।
स्वास्थ्यका लागि खेलकुद राष्ट्रका लागि खेलकुद भन्ने नारा सहित कमलामाई नगरपालिकाका नगर प्रमुख उपेन्द्र कुमार पोख्रेलले चैत्र १५ गते तेस्रो नगर स्तरिय मेयरकप फुटबल प्रतियोगिताको उद्धघाटन गर्नुभएको थियो ।