चैत्र १५, सिन्धुली/सिन्धुलीको कमलामाई नगरपालिकामा तेस्रो नगर स्तरिय मेयरकप फुटबल प्रतियोगिता आज बाट सिन्धुलीमाढीमा सुरु भएको छ ।
स्वास्थ्यका लागि खेलकुद राष्ट्रका लागि खेलकुद भन्ने नारा सहित कमलामाई नगरपालिकाका नगर प्रमुख उपेन्द्र कुमार पोख्रेलले तेस्रो नगर स्तरिय मेयरकप फुटबल प्रतियोगिताको उद्धघाटन गर्नुभएको हो ।
नगर प्रमुख उपेन्द्र कुमार पोख्रेलले खेलकुद मार्फत कमलामाई नगरपालिकालाई जिल्ला हुँदै प्रदेश, देश संगै बिश्वमै चिनाउन उद्देश्यले फुटबल प्रतियोगिताको आयोजना गरिइको बताउनु भएको छ । उहाँले नगरबाट गुणस्तरीय र अनुसाशित खेलाडि उत्पादनको लागि नगरका प्रत्यक वडामा बजेट बिनियोजन गरेर खेल खेलाउने बताउनु भयो ।
तेस्रो नगर स्तरिय मेयरकप फुटबल प्रतियोगितामा बिजेता हुने टिमलाई नगद एक लाख, सिल्ड मेडल र प्रमाण पत्र र उपबिजेता टिमलाई नगद ५० हजार सिल्ड, मेडल र प्रमाणपत्र प्रदान गरिने नगर खेलकुद बिकास समितिका अध्यक्ष दिपेन्द्र फूयालले बताउनुभयो । प्रतियोगितामा कमलामाई नगरपालिकाको १४ वटा वडा मध्य ११ वटा वडाको सहभागिता रहेको फूयालले जानकारी दिनुभयो ।
आज बाट सुरु भएको प्रतियोगिता चैत्र १९ गते सम्म संचालन हुने छ ।