बैशाख ११,सिन्धुली/सिन्धुलीको कमलामाइ नगरपालिका वडा नम्बर २ चियाबारीमा आगोलागी हुँदा ४ घर जलेर नष्ट भएकाे छ । आज बिहान १ बजेबाट स्थानीय राजकुमार श्रेष्ठको घरबाट लागेको आगो योग बहादुर थापा, गंगा बहादुर थापा र कौशल थापाको घरमा सल्किएर पुर्ण रुपमा क्षति भएको हो ।
स्थानिय राजकुमार श्रेष्ठको घर भाडामा लिई सोहि स्थानकी अम्बिका कुुमारी बुढाथोकीले किराना पसल सन्चलन गदैँ आएकी थिइन् । अम्बिका कुमारी बुढाथोकिले आफ्नो कोठामा बालेको दियो बत्तिले आगो सल्किदा पसल सँगै जोडिएको घरहरमा आगोलागी भएको जिल्ला प्रहरी कार्यालय सिन्धुलीका प्रहरी प्रबक्ता चिरन्जिबी दाहालले जानकारी दिनुभयो ।
आगोलागी बाट अम्बिका कुमारी बुढाथोकिको १ लाख नगद सहित पसलको सामाग्री,फर्निचरको सामान,लत्ताकपडा,भाँडाबर्तन जलेर नष्ट हुँदा १५ लाख २० हजारको क्षति भएको छ भने घरधनी राजकुमार श्रेष्ठको घर पुर्ण रुपमा जलेर १० लाख बराबरको क्षति भएको प्रहरीले जनाएको छ ।
त्यस्तै सोहि स्थानका कौशल थापाको घरमा आगो सल्लिएर नगद २ लाख ६० हजार,सुनचादि,गरगहना,होटलको सामान,फर्निचरको सामान, लत्ताकपडा,भाँडाबर्तन जलेर नष्ट हुँदा ३२ लाख बराबरको क्षति भएको छ ।
आगोले योग बहादुर थापाको घर पनि जलेर पुर्ण रुपमा क्षति भएको छ । आगोलागी हुँदा थापाको होटलको सामाग्री फर्निचरको सामान, लत्ताकपडा,भाँडाबर्तन जलेर नष्ट हुँदा २६ लाख बराबरको क्षति भएको प्रहरी प्रबक्ता दाहालले जानकारी दिनुभयो ।
आगोलागीमा गंगा बहादुर थापाको घरमा रहेको होटलको सामाग्री ,१३ लाख नगद, फर्निचरको सामान, लत्ताकपडा,भाँडाबर्तन जलेर नष्ट हुँदा ३३ लाख बराबरको क्षति भएको जनाइएको छ । आगोलागिमा जम्मा १ करोड १६ लाख २० हजार बराबरको क्षति भएको छ ।
आगोलागीमा मानवीय क्षति भने नभएको प्रहरीले जनाएको छ ।