सिन्धुली/सिन्धुलीको हरिहरपुरगढी गाउँपालिकामा बेवारिसे भरुवा बन्दुक फेला परेको छ ।

जिल्ला प्रहरी कार्यालय सिन्धुलीका प्रहरी नायव उपरिक्षक विजय क्षेष्ठको अनुसार हरिहरपुरगढी ८ स्थित चायाचुटी स्थित खोलामा रहेको कल्भर्टमुनिबाट बेवारिसे अवस्थामा एक थान भरुवा बन्दुक फेला परेको हो ।

हिजो आइतबार बिहान करिब ११ः३० बजेको समयमा प्रहरी चौकी महेन्द्रझ्याडीबाट खटिएको गस्ती टोलीले  प्लास्टिकमा बेरिएको अवस्थामा एक थान बेवारिसे भरुवा बन्दुक फेला पारेको जिल्ला प्रहरी कार्यालय सिन्धुलीका प्रहरी नायव उपरिक्षक विजय क्षेष्ठले जानकारी दिनुभयो ।

प्रहरीले उक्त बन्दुक बरामद गरी आवश्यक अनुसन्धान अघि बढाएको क्षेष्ठले जानकारी दिनुभयो ।