सिन्धुली/सिन्धुलीको गोलन्जोर गाउँपालिकामा राष्ट्रपति रनिङ्ग शिल्ड प्रतियोगिता संचालन हुनेभएको छ । पालिकाले सूचना जारी गर्दै प्रतियोगिताबारे जानकारी गराएको हो ।

गोलन्जोर गाउँपालिका खेलकुद विकास समितिको यहि माघ ३ गते बसेको बैठकको निर्णय अनुसार यहि माघ १७ देखि १९ गतेसम्म पालिकास्तरीय राष्ट्रपति रनिङ्ग शिल्ड प्रतियोगिता संचालन हुने जनाइएको छ । खेलमा सहभागि हुनको लागि विध्यार्थीहरुले यहि माघ १२ गते ४ बजेसम्म आफ्नोे नाम खेलकुद विकास समितिको सचिवालयमा पेश गर्न गाउँपालिकाले अनुरोध गरेको छ ।

पालिकाले प्रतियोगितामा १८ वर्ष भन्दा माथिको उमेर समूहका विध्यार्थी सहभागि हुन नपाउने, विद्यार्थी खेलाडिहरुले एक फिल्ड दुई ट्रयाक वा दुई फिल्ड एक ट्रयाक विधामा मात्र सहभागि हुनपाउने लगायतका आधारहरु तयगरेको छ । सहभागि विध्यार्थीहरुको उमेरको बिषयमा कुनैपनि विवाद भएमा –इएमआइएस–२०८१) लाई आधार मानिने छ । यदि खेलमा विवाद आएमा आयोजकको निर्णय नै अन्तिम निर्णय हुने गाउँपालिकाले जानकारी दिएको छ । यहि माघ १७ गते गोलन्जोर गाउँपालिका वडा नम्वर ३ ग्वालटारमा बिहान १० बजेबाट प्रतियोगिता संचालन हुने आयोजकले जनाएको छ ।