सरकारले गरेको राम्रो काम जनतालाई बुझाउन प्रधानमन्त्री प्रचण्डको निर्देशन
आगामी बजेटमा लोकप्रिय र जनतालाई प्रत्यक्ष राहत पुग्ने कार्यक्रम ल्याउने घोषणा
-
वैशाख २६,सिन्धुली/प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आगामी बजेटमा जनतालाई आशा जगाउने गरी लोकप्रिय कार्यक्रम ल्याउने बताउनुभएको छ । सिन्धुलीमा आज आयोजित पार्टीको कार्यकर्ता भेलालाई सम्बोधन गर्दै उहाँले नीति तथा कार्यक्रम र बजेटको तयारी सोहीअनुरुप तयारी गरिरहेको बताउनुभयो ।
‘यो पटक नीति तथा कार्यक्रम ल्याउन नै फरक तरिकाले ल्यायौं । नीति तथा कार्यक्रमसँग तालमेल हुनेगरी बजेटको तयारी भइरहेको छ । आगामी बजेटले जनतालाई नयाँ आशा र भरोसा जगाउनेछ । लोकप्रिय र जनतालाई प्रत्यक्ष राहत पुग्ने कार्यक्रम ल्याउँदैछौं,’ उहाँले भन्नुभयो ।
प्रधानमन्त्री दाहालले आफू सरकारमा आएपछि धेरै काममा प्रगति भएको उल्लेख गर्नुभयो । ‘मैले तेस्रोपटक प्रधानमन्त्री पद सम्हाल्ने बेला मुलुकको अर्थतन्त्र जुन स्थितिमा थियो, म नेतृत्वमा आएपछिको १६ महिनाको अवधिमा भएको प्रगति हेर्दा धेरै प्रगति भएका छन् । अर्थतन्त्रका बाह्य सूचकहरुमा उल्लेखनीय सुधार भएको छ,’ उहाँको भनाइ थियो । यद्यपि, सरकारले गरेका राम्रा कामहरुको जानकारी जनतासम्म पुर्याउन नसकेको उहाँले बताउनुभयो ।
उहाँले सरकारले गरेका राम्रा कामहरुको गहिरो अध्ययन गरी जनतालाई बुझाउन पार्टीका नेता कार्यकर्ताहरुलाई निर्देशनसमेत दिनुभयो । ‘अरुले यति धेरै काम गरेको भए हामीलाई बसिनसक्नु बनाइसक्थ्यो । हामीले यति धेरै काम गर्यौं, कति धेरै राम्रा कामहरु अगाडि बढिरहेका छन् तर यसलाई जति जनताको बीचमा बिक्री गर्न सक्नुपथ्र्यो त्यति सकेका छैनौं । सबै विषयको गहिरो अध्ययन, चिन्तन मनन गरेर जनतालाई साँचो कुरा बताउनुहोला,’ प्रधानमन्त्री दाहालले भन्नुभयो । यो पटक जनतालाई आशा र भरोसा जगाउँदा आगामी चुनावमा पार्टीले राम्रो परिणाम निकाल्ने उहाँको भनाइ थियो ।
अर्को प्रसंगमा उहाँले वामपन्थीहरुबीच नयाँ एकता बढ्ने कुरा भइरहेको बताउनुभयो । माओवादीहरुबीच भने एकता निश्चित भइसकेको उहाँको दाबी छ । ‘माओवादीहरु करिब–करिब सबै एक हुँदैछ । माओवादी भन्नेजति छिट्टै नै संयोजन समिति बनाएर एकता प्रक्रियामा जान तयारी भइरहेको छ,’ प्रधानमन्त्री दाहालले भन्नुभयो । समाजवादीहरुसँगको एकता र वर्तमान सत्ता साझेदारहरुसँगको सहकार्यले पनि निरन्तरता पाउने उहाँले बताउनुभयो ।
‘समाजवादीहरु र अहिले सुरु भएको सहकार्य यो पटक पहिलेभन्दा सहज ढंगले अगाडि जाने भएको छ । त्यसले नेपालको वामपन्थी आन्दोलन र समाजवादी आन्दोलन, सामाजिक न्याय, सुशासन र समृद्धिको अभियान नयाँ ठाउँमा पुर्याउनेछ,’ प्रधानमन्त्री दाहालले बताउनुभयो ।
प्रधानमन्त्री दाहाल सुनकोशी–मरिन डाइभर्सनको निर्माणाधीन सुरुङ ‘ब्रेक–थ्रु’ गर्न मंगलबार सिन्धुली आउनुभएको हो । यही अवसरमा नेकपा (माओवादी केन्द्र) सुनकोशी गाउँ कमिटिले बुधबार आयोजना गरेको कार्यकर्ता भेलालाई उहाँले सम्बोधन गर्नुभएको हो । उहाँले पार्टीको संगठन सुदृढीकरण र जनताको समस्यालाई सम्बोधन गर्ने गरी अगाडि बढ्न नेता कार्यकर्ता तथा जनप्रतिनिधिहरुलाई निर्देशन दिनुभयो ।
News Desk 0 response बुधबार, बैशाख २६, २०८१
सम्बन्धित शीर्षकहरु
मध्येरातमा बजार अनुगमन गरेको भन्दै सिन्धुली उद्योग बाणिज्य संघको आपत्ति
आइतवार, जेष्ठ ६, २०८१सत्तापक्षकै कारण संसद् चल्न सकेन : संँग्रौला
शनिबार, जेष्ठ ५, २०८१बरालीमा महिलालाई लक्षित गरेर चकटी बुन्ने तालिम सन्चालन
शनिबार, जेष्ठ ५, २०८१पार्टी र जनप्रतिनिधि वीचको सम्बन्ध
शुक्रबार, जेष्ठ ४, २०८१-
मध्येरातमा बजार अनुगमन गरेको भन्दै सिन्धुली उद्योग..
आइतवार, जेष्ठ ६, २०८१ -
सत्तापक्षकै कारण संसद् चल्न सकेन : संँग्रौला
शनिबार, जेष्ठ ५, २०८१ -
बरालीमा महिलालाई लक्षित गरेर चकटी बुन्ने तालिम..
शनिबार, जेष्ठ ५, २०८१ -
पार्टी र जनप्रतिनिधि वीचको सम्बन्ध
शुक्रबार, जेष्ठ ४, २०८१ -
जिल्ला लिग फुटबल प्रतियोगिताको फाइनलमा ब्लु अल्पाइन..
बुधबार, जेष्ठ २, २०८१
-
मध्येरातमा बजार अनुगमन गरेको भन्दै सिन्धुली उद्योग..
आइतवार, जेष्ठ ६, २०८१ -
सत्तापक्षकै कारण संसद् चल्न सकेन : संँग्रौला
शनिबार, जेष्ठ ५, २०८१ -
बरालीमा महिलालाई लक्षित गरेर चकटी बुन्ने तालिम..
शनिबार, जेष्ठ ५, २०८१ -
पार्टी र जनप्रतिनिधि वीचको सम्बन्ध
शुक्रबार, जेष्ठ ४, २०८१ -
जिल्ला लिग फुटबल प्रतियोगिताको फाइनलमा ब्लु अल्पाइन..
बुधबार, जेष्ठ २, २०८१
-
गोलन्जोरमा ट्याक्टर दुर्घटना हुँदा एक जनाको घटना..
मङ्लबार, जेष्ठ १, २०८१ -
ढुङ्ग्रेबासको कमला सप्लायर्स बाट डेढ लाख बढीको..
मङ्लबार, जेष्ठ १, २०८१ -
सिन्धुली अस्पतालको नवनिर्मित भवन असार मसान्तमा हस्तान्तरण..
शुक्रबार, बैशाख २८, २०८१ -
बरालीमा महिलालाई लक्षित गरेर चकटी बुन्ने तालिम..
शनिबार, जेष्ठ ५, २०८१ -
जिल्ला लिग फुटबल प्रतियोगिताको फाइनलमा ब्लु अल्पाइन..
बुधबार, जेष्ठ २, २०८१