पुस १६, सिन्धुली/कर्तव्य ज्यानको घटना घटाई फरार रहेको ३० बर्ष पछि मरिण गाउँपालिका ३ बस्ने ५० वर्षिय वुद्ध बहादुर गोले पक्राउ परेका छन् ।
सिन्धुली जिल्ला साबिक कल्पबृक्ष गा.बि.स. ८ हाल मरीण गा.पा.वडा नं.३ बस्ने गोलेले २०५० साल असोज २ गते घटना घटाई फरार रहेका थिए । गोलेलाई कर्तव्य ज्यान मुद्दामा जिल्ला अदालत सिन्धुलीबाट २०६६ साल असार १९ गतेको फैसलाले २० बर्ष कैद सजाय ठहर गरेको थियो ।
घटना पश्चात फरार रहेका गोलेलाई ईलाका प्रहरी कार्यालय कपिलाकोट सिन्धुलीबाट प्रहरी निरिक्षक धर्मराज खत्रीको कमाण्डमा खटिएको प्रहरी टोलीले शनिवार मरीण गा.पा. वडा नं. ४ साहन रंगशालाबाट पक्राउ गरेको जिल्ला प्रहरी कार्यालय सिन्धुलीका प्रवक्ता प्रहरी नावय निरिक्षक चिरञ्जिवि दाहालले जनाकारी दिनुभयो । गोलेलाई कैद भुक्तानका लागि जिल्ला कारागार सिन्धुली पठाईएको प्रहरी नायव निरिक्षक दाहालले बताउनु भयो ।