-
कार्तिक १, सिन्धुली/मरिण गाउँपालिकाका प्रमुख प्रशासकिय अधिकृत ओम दर्जीले नेपालको विशिष्टता नै बहुजाति, बहुसांस्कृतिक, बहुधार्मिक रहेकाले एक अर्काको धर्मलाई सम्मान गरेर चाडपर्व मनाउँदै आएको बताउनु भएको छ ।
मरिण गाउँपालिकाले आयोजना गरेको शुभकामना आदान प्रदान कार्यक्रममा उहाँले सांस्कृतिक पर्वहरुहरु जातजाति अनुसार फरक फरक तरिकाले मनाउने भएपनि सम्मान गदैँ आइरहेको र भोलीको दिनमा पनि यस्तै सहिष्णुता सम्मान कायम राख्न आग्रह गर्नुभएको छ । चाडपर्वले अझै धरै एक अर्कामा आत्मियता, सद्भाव र सामाजिक सहिष्णुता कायम गराउने भएकाले चाडपर्वमा सामाजिक आत्मियता खल्बलिने खालका गतिबिधि नगर्न उहाँले आग्रह गर्नुभयो ।चाडपर्वलाई मध्यनजर गर्दै मरिण गाउँपालिकाले विभिन्न गतिविधिमा रोक लगाएको सूचना जारी गरेकाले सूचनालाई वेवास्ता नगरी सकारात्मक रुपमा लिएर पालना गरिदिन पनि प्रमुख प्रशासकिय अधिकृत दर्जीले आग्रह गर्नुभयाे । नेपाली हिन्दु धर्माबलम्बीहरुको सांस्कृतिक पर्व दशैँ, तिहार लगायतका पर्वहरु आर्थिक मितव्ययीता कायम गरेर मनाउन आग्रह गर्दै दर्जीले शुभकामना समेत व्यक्त गर्नुभएको छ ।
