भदौ २४,सिन्धुली/गोलन्जोर गाउँपालिका सिन्धुलीको वडा नम्बर ३ मा कृषि तथा पशु केन्द्रको भवन निर्माण सुरु भएको छ । गोलन्जोर गाउँपालिकाका अध्यक्ष शंकरराज बराल र उपाध्यक्ष ज्वाला प्रसाद न्यौपाने(पुकार)ले भवनको शिलान्यास गर्नुभएको हो ।
आज एक औपचारिक कार्यक्रमका बिच भवनकोे शिलान्यास गरिएको अध्यक्ष शंकरराज बरालले बताउनुभयो । गाउँपालिकाको छुट्टै कृषि र पशु कार्यालय नहँुदा सेवा प्रवाहमा असहज भइरहेको थियो ।
नेपाल सरकारको कृषि तथा पशुपन्छी मन्त्रालय ग्रामिण उद्यम तथा आर्थिक विकास योजना आर्थिक कोरिडोर कार्यालय धनकुटाको भ्याट बाहेक २ करोड ३५ लाख २६ हजार ३ सय ९७ रुपैया बजेट विनियोजनमा भवन निर्माण गर्न लागिएको उपाध्यक्ष ज्वाला प्रसाद न्यौपाने पुकारले जानकारी दिनुभयो ।
ब्राइट जनज्योति जेभीले एक बर्षमा निर्माण सम्पन्न गरिने गरी २०८० जेठ २६ गते ठेक्का सम्झौता गरेको थियो ।