भदौ २२,सिन्धुली/सिन्धुलीमा करेण्ट लागेर एक हल गोरुको मृत्यु भएको छ । मरिण गाउँपालिका वडा नम्बर ५ सुनखानीमा चरिरहेका गोरुलाई बिजुलीको पोलबाट लाईन सर्ट भई करेण्ट लाग्दा एक हल गोरुको मृत्यु भएको हो ।
करेण्ट लागेर स्थानीय दिलमान गोलेको गोरुको मृत्यु भएको हो । दिउँसो गोरु चराउनको लागि जङ्गलमा लगेको समयमा बिजुलीको पोलबाट एक्कासी करेण्ट लागेको गोलले जानकारी दिनुभयो ।
स्थानीयको डिबि बोम्जनको अनुसार माथि तार अडाउने डिआरएन फुटेपछि पोलमा करेण्ट आएको हुनसक्ने बताउनु भयो । विधुत प्राधिकरणको लापरबाहिका कारण गोरु लाई करेण्ट लागेको भन्दै स्थानीय आक्रोसित भएका छन् ।