बैशाख १८,सिन्धुली/सिन्धुली क्षेत्र नम्बर २ का प्रतिनिधी सभा सदस्य लेखनाथ दाहाल (राजन)ले कमलामाई नगरपालिका २ चियाबारीका अग्नि पिडित लाई आर्थिक सहयोग गर्नुभएको छ । दाहालले आज घटना स्थलमै पुगेर ४ घर परिवार अग्नि पडितलाई जनही १० हजारको दरले ४० हजार को चेक हस्तनातरण गर्नुभएको हो ।
बैशाख ११ गते स्थानीय राजकुमार श्रेष्ठको घरबाट सल्केको आगोले कौशल थापा, योग बहादुर थापा र गंगा थापाको घर जलेर एक करोड १६ लाखभन्दा बढीको क्षति भएको थियो।
आगलागि बाट बेघर भएका अग्नि पिडितको घर बनाउनको लागि आबश्यक सहयोग तथा आर्थिक सहयोग जुटाउने प्रतिनिधि सभा सदस्य दाहालले प्रतिबद्धता गर्नुभएको छ । प्राकृतिक रुपमा घटिने घटना देखि साबधान नरहँदा मानविय तथा धनमालको क्षति हुने बताउनुहुँदै दाहालले सचेत रहन पनि आग्रह गर्नुभयो ।