बैशाख ११,सिन्धुली/सिन्धुलीमा चट्याङ लागेर ३ जना जना घाइते भएको छन् । हिजो राती अबिरल बर्षा भइरहेको समयमा सिन्धुलीको गोलन्जोर गाउँपालिका वडा नम्बर ३ ओख्ले स्थित दुर्गा कुमारी भुजेलको घरमा रहेको मिटरबक्समा अचानक चट्याङ पर्दा दुर्गा कुमारी भुजेल सोहि परिवारका ३ जना घाइते भएका हुन् ।
चट्याङ लागेर अचेत भएकी दुर्गा कुमारी भुजेलको शुभजिवन अस्पताल खुर्कोटमा सामान्य उपचार पश्चात धुलिखेल अस्पतालमा रिफर गरेर उपचार भइरहेको जिल्ला प्रहरी कार्यालय सिन्धुलीका प्रहरी प्रमुख राजकुमार सिलवालले जानकारी दिनुभयो ।
त्यस्तै चट्याङ लागेर दुर्गा कुमारी भुजेलकी बुहारी २८ बर्षिय हिरा कुमारी भुजेल र नाति ८ बर्षीय निकेश भुजेल सामान्य घाइते भएकाले शुभजिवन अस्पताल खुर्कोटमा उपचार भइरहेको जनाइएको छ ।