चैत्र १७ सिन्धुली/आजबाट सुरु भएको माध्यमिक शिक्षा परीक्षा (एसईई) मा जिल्लाभरबाट ५ हजार १ सय ६२ जना बिद्यार्थी उपस्थित भएका छन् । परीक्षाका लागि आवेदन दिएका मध्य ८६ जना विद्यार्थी परीक्षामा सहभागि भएनन् ।
आज पहिलो दिन अङ्ग्रेजी परीक्षा दिनको लागि जिल्ला भरबाट जिल्लाभर बाट ५ हजार १ सय ६२ जना बिद्यार्थी उपस्थित भएका हुन् । शिक्षा विकास तथा समन्वय इकाई सिन्धुलीको अनुसार सामुदायिक बिद्यालय र सँस्थागत बिद्यालयबाट बिभिन्न बिद्याका ५ हजार २ सय ४८ जना विद्यार्थी उपस्थित हुनुपर्ने थियो ।
जिल्लाभरबाट ३९ जना छात्र र ४७ जना छात्रा गरी ८६ जना बिद्यार्थी परिक्षामा उनुपस्थित भएको शिक्षा विकास तथा समन्वय इकाई सिन्धुलीका शाखा अधिकृत दुर्गा बहादुर भुजेलले जानकारी दिनुभयो ।
माध्यमिक शिक्षा परीक्षा (एसईई) को लागि जिल्लाभरी २६ वटा परिक्षा केन्द्र तोकिएको छ ।