चैत्र ११,सिन्धुली/कमलामाई नगरपालिका वडा नम्बर २ स्थित पिपलभन्ज्याङ वेसारे हुँदै दुज्युङ मैवलेसम्मको सडकको स्तरउन्नती तिब्र रुपमा सन्चालन भइरहेको छ । वडा नम्बर २ को ४ चालु आर्थिक बर्षको ४ लाख बजेट र स्थानियको सक्रिय सहभागितामा सडक ब्यबस्थापनको काम धमाधम सन्चालन भइरहेको छ ।
पिपलभन्ज्याङ वेसारे हुदै दुज्युङ मैवले सम्मको सडक निकै पुरानो सडक भएकाले सो सडकको ब्यबस्थापनको लागि वडाले चालु आर्थिक बर्षको लागि ४ लाख बजेट बिनियोजन गरेर काम भइरहेको वडा अध्यक्ष इन्द्र बहादुर वाइवाले बताउनु भएको छ ।
आवातजावत गर्नका लागि सो स्थानका जनतालाई बर्खायाममा सारै कष्ट हुनेगरेकाले जोखिम मोलेर यात्रा गर्नुपर्ने भएकाले सो स्थानका स्थानियहरु सक्रिय रुपमा सहभागिता जनाई श्रमदान गरिरहेको वडा अध्यक्ष वाइवाको भनाई छ ।
उपभोक्ता समिती निर्माण गरेर सडक ब्यबस्थापनमा लागि काम भइरहेको छ । सो सडकको थप ब्यबस्थापको लागि प्रतिनिधि सभा सदस्य लेखनाथ दाहाल सँग १० करोड बजेट बिनियोजनको लागि पहल गरिदिनका लागि अनुरोध गरिएको अध्यक्ष वाइवाले बताउनु भएको छ ।