चैत्र २,सिन्धुली/मोटरसाइकल र बोलेरो एकआपसका ठोक्किदा एक जना गम्भिर घाइते भएको छ । चकमके सडक–खण्ड अन्र्तगत तिनपाटन गाउँपालिकाको वडा नम्बर २ मा बोलेरो र मोटरसाइकल एक आपसमा ठोक्किदा मोटरसाइकल चालक कमलामाई नगरपालिका ७ रामपुरका तेज बहादुर सिंजाली मगर गम्भिर घाइते हुनुभएको हो ।
२६ बर्षीय गम्भिर घाइते सिंजालीलाई सिन्धुली अस्पतालमा उपचार पश्चात थप उपचारको लागि हेलिकप्टर मार्फत काठमान्डौँ पठाइएको जिल्ला प्रहरी कार्यलय सिन्धुलीका प्रमुख राजकुमार सिलवालले जानकारी दिनुभयो ।
घाइते सिंजालीको टाउँकामा गम्भिर चोट लागेकाले सिन्धुली अस्पतालमा उपचार सम्भव नहुने भएपछि फिस्टेल एयरको नाइनएन एजिआर हेलिकप्टर मार्फत काठमान्डौँ पठाइएको हो । प्रमुख प्रमुख सिलवालका अनुसार आज बिहान ८ः३० बजेको समयमा सिन्धुलीमाढीबाट भिमस्थान तर्फ जादै गरेको ग ८ प ६४५८ नम्बर मोटरसाइकल र चकमकेबाट सिन्धुलीमाढी तर्फ आउँदै गरेको बा.प्र०१–ं०२७ च ४३७२ नम्बरको योद्धा बोलेरो एक आपसमा ठोक्किएको थियो ।
ठक्कर दिने बोलेरो ईलाका प्रहरी बेलघारी कार्यलयको नियन्त्रमा छ भने चालक फरार रहेकाले खोजिकार्य भइरहेको प्रहरीले जनाइएको छ ।