सिन्धुली/सिन्धुलीको मरिण गाउँपालिकामा माध्यमिक तहका शिक्षकहरूका लागि बालबालिका तथा किशोरकिशोरीको मानसिक स्वास्थ्यसम्बन्धी अभिमुखीकरण कार्यक्रम गरीएको छ ।

स्वास्थ्य सम्बन्धी अभिमुखीकरण कार्यक्रममा पालिकाको सात वटा वडाको १२ वटा विद्यालयका शिक्षकहरूको सहभागिता रहेको थियो ।

कार्यक्रममा बालबालिका तथा किशोरकिशोरीमा देखिने सामान्यहरु मानसिक स्वास्थ्य सम्बन्धी समस्याहरू जस्तै भावनात्मक तनाव, चिन्ता, व्यवहारमा परिवर्तन तथा तनावसँग सम्बन्धित चुनौतीहरूबारे शिक्षकहरूको बुझाइ अभिवृद्धि गर्नेमा जस्ता कुरामा जोड दिइएको थियो । साथै, यस्ता समस्याहरू विद्यालयस्तरमै कसरी प्रारम्भिक रूपमा पहिचान गर्न सकिन्छ र प्रभावित विद्यार्थीहरूलाई कसरी सहयोगात्मक प्रतिक्रिया प्रदान गर्न सकिन्छ भन्ने विषयमा सहभागि भएका शिक्षकहरूलाई अभिमुखीकरण गरिएको थियो ।

त्यस्तै अभिमुखीकरणमा विद्यालयहरूलाई एक महत्वपूर्ण संरक्षणात्मक वातावरणका रूपमा स्थापित गर्दै प्रारम्भिक पहिचान, मनोसामाजिक सहयोग तथा समयमै सिफारिस (रिफरल) गर्न सकेमा बालबालिकाको समग्र कल्याणमा महत्वपूर्ण सुधार ल्याउन सकिने कुरा समेत जोड दिइएको थियो ।

कार्यक्रममा स्थानीय तहमा समग्र मदिरा नीति निर्माण तथा कार्यान्वयनको आवश्यकता र यसले बालबालिकाको मानसिक स्वास्थ्य तथा समग्र कल्याणमा पार्ने सकारात्मक प्रभावबारे पनि चर्चा गरिएको थियो ।

साथै परिवार तथा समुदायमा अनियन्त्रित मदिरा सेवनले बालबालिकामा तनाव, उपेक्षा, हिंसा तथा भावनात्मक असुरक्षा बढाउन सक्ने उल्लेख गर्दै प्रभावकारी मदिरा नीतिले सुरक्षित र सहयोगात्मक वातावरण निर्माण गर्न, हानिकारक व्यवहारको जोखिम घटाउन तथा सकारात्मक अभिभावकत्व प्रवद्र्धन गर्न सहयोग पु¥याउने सिविन नेपालका प्रमिला मान्नधरले बताउनुभयो ।

कार्यक्रम सिविन नेपालको आयोजा, मरिण गाउँपालिकाको समन्वय र प्लान इन्टरनेशनलको सहयोगमा भएको हो ।

अभिमुखीकरण कार्यक्रमहरू क्रमशः कमलामाई नगरपालिका र सुनकोशी गाउँपालिकामा पनि सञ्चालन गरिने आयोजकले जानकारी दिएका छ । उक्त कार्यक्रमले विद्यालयहरूमा बालबालिका तथा किशोरकिशोरीहरूको मानसिक स्वास्थ्य सम्बन्धी सचेतना र सहयोग प्रणाली सुदृढ गर्ने प्रयासलाई अझ विस्तार गर्ने अपेक्षा गरीएको छ