सिन्धुली/सिन्धुलीको गोलन्जोर गाउँपालिकाका सामुदायिक विद्यालयमा अध्ययनरत चिसोबाट प्रभावित विद्यार्थीहरूलाई ब्याक टु लाइफ इभि जर्मनी संस्थाले बुधबार कम्बल वितरण गरेको छ ।
चिसोबाट जोगाउने उद्देश्यले ब्याक टु लाइफ इभिले गोलाञ्जोर गाउँपालिका भित्रका विभिन्न ९ ओटा सामुदायिक विद्यालयमा अध्ययनरत ५ सय ५९ जना विद्यार्थीहरूलाई कम्बल वितरण गरिएको हो।
ब्याक टु लाईफले गोलन्जोर गाउँपालिका–१ धनसारमा रहेको सिद्धेश्वरी आधारभूत विद्यालयमा अध्ययनरत ४५ जना विद्यार्थी, वडा नं २ को बाल प्रगतिशील आधारभूत विद्यालय हमाल डिहीका १५ जना र बालहरि आधारभूत विद्यालय भन्ज्याङका ४५जना विद्यार्थीलाई कम्बल वितरण गरेको ब्याक टु लाईफका निर्देशक अच्युत प्रसाद पौडेलले जानकारी दिनुभयो । त्यसै गरी गाउँपालिका – ३ मा रहेको कुशेश्वरी आधारभूत विद्यालय सिम्लेबेसीमा अध्ययनरत १६ जना र आधारभूत विद्यालय धेद्रेका २० जना गरी ५ सय ५९जना विद्यार्थीलाई कम्बल वितरण गरिएको छ।
ब्याक टु लाईफलाई धन्यवाद दिँदै जाडो समयमा कम्बल पाएपछि विद्यार्थी र अभिभावकहरूले खुसी भएका छन् । कम्बल वितरणमा गोलन्जोर गाउँपालिकाका अध्यक्ष शंकरराज बराल, उपाध्यक्ष ज्वालाप्रसाद न्यौपाने गाउँपालिकाका वडाध्यक्षहरू अभिभावकहरू विद्यार्थीहरुको उपस्थिति रहेको थियो ।