साउन २९, सिन्धुली/जिल्ला प्रहरी कार्यालय सिन्धुलीले सोमबार लागु औषध सहित २ जनालाई पक्राउ गरेको छ ।

ईलाका प्रहरी कार्यालय भिमानले चेकजाँच गर्ने क्रममा कमलामाई नगरपालिका –९ चोरखोलाबाट मोटरसाइकलमा लुकाएर ल्याइएको अवस्थामा लागु औषध सहित २ जना लाई पक्राउ गरेको हो । प्रहरीले उनिहरुको साथबाट खैरो हिरोइन जस्तो देखिने धुलो पदार्थ अंन्दाजी १०.१०५ ग्राम बरामद गरेको थियो ।

सिराहाबाट खोटाङ हलेसी तर्फ जादै गरेको प्रदेश २–०१–००२ प ९९३३ नं.को मोटरसाईकलका चालक सिराहाको कर्जन्हा नगरपालीका –३ का ३६ बर्षिय लाल बाबु यादव र मोटरसाईकल पछाडी सवार सोहि स्थानका ४२ बर्षिय घन बहादुर श्रेष्ठलाई पक्राउ गरेको प्रहरी निरिक्षक केशव कुमार कटुवालले जानकारी दिनुभयो ।

प्रहरीले जिल्ला अदालत सिन्धुलीबाट सात दिनको म्याद थप गरेर थप अनुसन्धान गरिरहेको जनाएको छ ।