असार ९, सिन्धुली/जिल्ला प्रहरी कार्यालय सिन्धुलीले लागुऔषध गाँजा सहित १ जना नियन्त्रणमा लिएको छ । हरिहरपुरगढी गाउँपालिका – ७ स्थित थोले ब्लोनको गोठमा खाजतलास गर्दा गाँजा सहित उदयपुरका कुमार पाख्रिन (४६) लाई नियन्त्रणमा लिएको हो ।

इलाका प्रहरी कार्यालय कपिलाकोटलाई आएको विशेष सुचनाको आधारमा गएराति १ बजे सिन्धुलीबाट गएको प्रहरी टोलिले लागुऔषध गाँजा लुकाएर राखिएको भन्ने स्थानमा खोतलास गरिएको थियो ।

सो स्थानबाट प्रहरीले ६ क्वीन्टर १५ केजी गाँजा सहित पाख्रिनलाई नियन्त्रणमा लिइएको जिल्ला प्रहरी कार्यालय सिन्धुलीका प्रहरी प्रमुख गोविन्दराज काफ्लेले आज पत्रकार सम्मेलन गरेर जानकारी दिनुभयो । गोठमा फलामको डरममा लुकाएर राखिएको अवस्थामा गाँजा बरामद गरेको प्रहरीले जनाएको छ ।

पक्राउ परेका पाख्रिन उदयपुर घर भई हरिहरपुरगढीको चिसोपानी बस्दै आएका छन् । पाख्रिनलाई प्रहरी कार्यालयले मुद्दा दर्ता गरी आवश्यक अनुसन्धानको लागि म्याद थप गर्न सिन्धुली जिल्ला अदालतमा आज उपस्थित गराएको छ ।