झुट नबोली राजनीति गर्छु भन्ने
तँ अपराधी हो ।
भ्रष्टाचार नगरी काम गरेर देखाउँछु भन्ने
तँ विधि विरोधी हो ।
अपराध नगरी सेवामा लाग्छु भन्ने
तँ फटाहा हो ।
कमिसन नखाई काम गरेर देखाउँछु भन्ने
तँ भ्रष्टाचारको पक्षपाती हो ।
बालेन!!

हाम्रो मोजमस्तीको सिंहदरबारमा आगो लगाउँछु भन्ने
तँ बौलाहा हो ।
हाम्रो मन्त्रालय/विभागको अगाडि फोहोर थुपारी दिने
तँ छुल्याहा हो ।
फोहोर काठमाडौंलाई सफा पार्न खोज्ने
तँ हावा हो ।
भ्रष्टाचारीको पेटमा लात हानेर सुसासन देखाउँछु भन्ने
तँ जनविरोधी हो ।
बालेन!!!

हाम्रो कर्तुतको सत्यता खोलिदिने
तँ हराम हो ।
चिल भएर हाम्रो निद हराम गराउने
तँ भूत हो।
नेतामुखी गणतन्त्र हल्लाउने
तँ गणतन्त्रको विरोधी हो ।
पैदल यात्रुको पक्षमा काम गर्न खोज्ने
तँ संविधान विरोधी विद्रोही हो।

फ्रोफेसर तथा अधिवक्ता – नारायण प्याकुरेल
सिन्धुली