जेठ ७, सिन्धुली/सिन्धुलीमा लागु औषध सहित २ जना पक्राउ परेका छन् । गए राति कमलामाई नगरपालिका – ४ ढुङ्ग्रेबास स्थित सडकमा हिँडिरहेको अवस्थामा प्रहरीले पक्राउ गरेको हो ।

पक्राउ पर्नेमा ढुङ्ग्रेबासमा भाडामा बस्दै आएका तिनपाटन गाउँपालिका –९ का २६ बर्षिय विनोद परिवार र गोलन्जोर गाउँपालिका –६ घर भएका २२ बर्षिय बिनोद मैनाली पक्राउ परेको जिल्ला प्रहरी कार्यालय सिन्धुलीका प्रहरी प्रवक्ता अनिल कुमार खड्काले जानकारी दिनुभयो ।

२ जना युवकहरुले लागु औषध विक्रि वितरण गरिहरको छ भन्ने गोप्य सुचनाको आधारमा प्रहरीको टोलिले उनिहरुलाई नियन्त्रणमा लिएको थियो । प्रहरीले २ युवकको साथ बाट स–साना पोकामा प्याक गरिएको खैरो हिरोइन जस्तो देखिने लागु आौषध २८ थान, गाँजा लगभग १६ ग्राम एसपिएएसएमव लेखिएको १ वटा ट्यावलेट फेला पारेको खड्काले बताउनुभयो । पक्राउ परेका २ युवकलाई हिरासतमा राखेर प्रहरीले थप अनुसन्धान थालेको छ ।