सुरुमा सबैले विश्वास गर्छ प्यार गर्छ ।
कसले सोच्छ र आफ्नाले गद्दार गर्छ !!

महोदय ! बाँचुन्जेल हो दुनियाँले खुट्टा तान्ने ।
मरे पछि दुश्मनले पनि जयजयकार गर्छ !!

तपाईं पागल भन्नु हुन्छ, कि असल प्रेमी ।
जो छाडि गएको प्रेमीकाको ईन्तजार गर्छ !!

दुश्मनले काट्दा नदुख्ने मन त्यतिखेर दुख्छ ।
जब आफन्तले औकात हेरेर व्यवहार गर्छ !!

झ्याल ढोका बन्द छ मध्य रातमा र पनि ।
तिम्रो यादहरु दिलसम्म कसरी सवार गर्छ !!

जीवनको अन्तिम गन्तव्य आर्यघाटसम्म हो ।
दुनियाँ कहाँसम्म पुग्नलाई यति हतार गर्छ !!

कृष्ण थिङ
मरिण गाउँपालिका,सिन्धुली
हाल कोरिया