-
मंसिर ४, सिन्धुली/हायसले साईकललाई ठक्कर दिदा साईकल यात्रीको मृत्यु भएको छ। आज दुधौली नगरपालिका – ७ सिनराई माथि मदन भण्डारी राजमार्गमा काठमाण्डौबाट विराटनगर तर्फ जाँदै गरेको हायसले सोही दिशाबाट जाँदै गरेको साईकललाई ठक्कर दिदा एक जनाको मृत्यु भएको हो ।
मृत्यु हुनेमा साईकल यात्री सिन्धुली दुधौली नगरपालिका – ७ बस्ने ५९ वर्षीय गंगा बहादुर बि.क. रहेको जिल्ला प्रहरी कार्यालय सिन्धुलीका प्रवक्ता प्रहरी नायव उपरिक्षक चिरञ्जवि दाहालले जानकारी दिनुभयो ।
उदयपुर चौदण्डी नगरपालिका – ९ बस्ने ३५ बर्षिय निर बहादुर कार्कीले चलाएको प्र.१-०२-००१ ख ९६१० नम्बरको हायसले वि.क.लाई ठक्कर दिई घाईते भएको र उपचारको लागि उदयपुर अस्पतालमा पुर्याउँदा डाक्टरले मृत घोषणा गरेको प्रहरी नायव उपरिक्षक दाहालले वताउनु भयो ।
ठक्कर दिने हाएस र हायस चालकलाई प्रहरीले नियन्त्रणमा लिई आबश्यक अनुसन्धान गरिरहेको प्रहरी नायव उपरिक्षक दाहालले जानकारी दिनुभयो ।
