कार्तिक १३, सिन्धुली/सिन्धुलीमा किराना पसल चोरी गर्ने एक जनालाई प्रहरीले नियन्त्रणमा लिएको छ ।

जिल्ला प्रहरी कार्यालय सिन्धुलीले कमलामाई नगरपालिका वडा नम्बर ७ बुद्धनगरचोक स्थित मदन कुमार घिसीङको किराना पसल चोरी गर्ने एक जनालाई पक्राउ गरेको हो । पक्राउ पर्नेमा दुधौली नगरपालिका वडा नम्बर १० का २२ बर्षिय चन्दु कुमर रहेको जिल्ला प्रहरी कार्यालय सिन्धुलीका प्रहरी प्रवक्ता चिरन्जीवी दाहालले जानकारी दिनुभयो ।

कार्तिक ९ गते बुद्धनगरचोकको किराना पसल फोरेर कुमरले नगद चोरी गरेको भन्दै पसल सन्चालक घिसीङले प्रहरीलाई खबर गरेपछि कुमरको साथबाट प्रहरीले ३१ हजार ८ सय ६१ रुपैयाँ नगद, चोरी गर्न प्रयोग गरिने एक थान फलामको रड र १ थान पेन्चीस लगायतको सामन बरामद गरिएको प्रहरीले जनाएको छ ।

कुमरलाई सिन्धुली जिल्ला अदालतबाट ७ दिनको म्याद थप गरी चोरी सम्बन्धि कसुरमा थप अनुसन्धान थालिएको बताइएको छ । चाडबाड लागेसंगै सदरमुकाम बजार क्षेत्रमा चोरीका घटनाहरु बढ्न सक्ने भएकाले सतर्क र सचेत रहन प्रहरीले सवैलाई आग्रह गरेको छ ।