असोज २८,सिन्धुली/सिन्धुलीमा ७२ बर्षिया बृद्धा आफ्नै घरमा मृत फेला परेकी छिन् । सुनकोशी गाउँपालिका वडा नम्बर १ आँपघारीका स्वर्गीय प्रेम बहादुर श्रीमती पदम माया नेपाल आफ्नै घरमा धानको बोराले थिचिएको अवस्थामा मृत फेला परेकी हुन् ।
पदम माया नेपाल घरमा एक्लै बस्दै आएकी थिइन् । मृतकका छोराहरु कृष्ण बहादुर नेपाल र माधव कुुमार नेपालले आमा घरमा मृत अवस्था देखेपछि प्रहरीलाई खबर गरेको जिल्ला प्रहरी कार्यालय सिन्धुलीका प्रहरी प्रवक्ता चिरन्जीवी दाहालले जानकारी दिनुभयो ।
धेरै दिनदेखि पदम माया नेपाललाई छिमेकीहरुले नदेखेपछि काठमान्डौँ बस्दै आएका छोराहरुलाई खबर गरेर छोराहरु घरमा आएका थिए । घरमा बाहिर बाट बन्द भएको ढोका खोलेर हेर्दा अलि समय अगाडिनै मृत भएको शवमा टाउँमा किरा परेको र सडेगलेको अवस्थामा फेला परेको प्रहरी प्रवक्ता दाहालले
बताउनु भयो ।
पदम मायाको शव पोसमार्टमको लागि काडमान्डौँ त्रिवि शिक्षण पठाइएको छ । घटनाको बिषयमा थप अनुसन्धान भइरहेको प्रहरीले जनाएको छ ।