असोज १७, सिन्धुली/माओवादी केन्द्रका उपमहासचिव जनार्दन शर्माले मुलुकको बेराजगारी र गरिबीको अन्त्य गर्ने काम माओवादी केन्द्रको रहेको बताउनु भएको छ ।

जनतासँग माओवादी बिशेष रुपान्तरण अभियानका बागमती प्रदेशका इन्चार्ज समेत रहेका शर्माले आज हरिहरपुरगढीमा आयोजित आमसभा कार्यक्रममा अवस्था बदलियो अव जनताको जिवनस्तर बदल्ने संकल्प माओवादीको रहेको बताउनु भएको हो ।
जिवनस्तर बदल्ने संकल्प सहित आज माओवादी जनताको घरघरमा आइपुगेको शर्माले बताउनुभयो ।

उहाँले भन्नुभयो “ माओवादेवादी पार्टीले जनतालाई विर्सियोकी भन्ने आलोचना समेत उठेको छ । यस्तै भ्रमको समिक्षा गर्न अव माओवादी घरघरमा आइरहेको छ । जनतालाई ३ महिना अभियान पछि माओवादी फेरी फर्किन्छ गाउँमा बस्दैन भन्ने पनि भ्रम छ । अव माओवादी जनताको गुनासो सुन्न,बिकृती,बिसङ्गती लाई हटाउँदै सँगसँगै हिँडाउने हाम्रो संकल्प हो ।”

उपमहासचिव शर्माले हरिहरपुरगढी गाउँपालिकामा उपलब्ध उर्बरा जमिनलाई प्रयोग गरेर कृषि क्रान्ति गर्न आग्रह भर्नुृभएको छ । बाजो जमिनलाई उर्बर बनाएर भूमिहिन,अव्यवस्थित,आयस्तर न्युन भएका व्यक्तिहरुलाई रोजगार प्रदान गर्न गाउँपालिकालाई आग्रह समेत गर्नुभयो ।

जनताका सहभागितामा कृषि फार्म, कृषि उद्योगहरु स्थापनाको लागि योजना अगाडि बढाउन जरुरी रहेको शर्माको भनाई छ । जसका लागि आवश्यक सामाग्री उपलब्ध गर्न तयारी रहेको शर्माले दाबी गर्नुभयो ।