भदौ १२, सिन्धुली/सिन्धुलीमा २० केजी अवैध चाँदी सहित २ जनालाई नियन्त्रणमा लिएको छ । विपि राजमार्ग अन्र्तगत गोलन्जोर गाउँपालिका वडा नम्बर ५ खनियाखर्कमा गढी प्रहरी चौकीले विराटनगरबाट काठमान्डौँ जाँदै गरेको निजि सवारी साधनमा चेकजाँच गर्दा लुकाएर ल्याइएको अवस्थामा नियन्त्रणमा लिएको हो ।

मंगलबार(आज) विहान ३ बजे बागमती प्रदेश —०१—०२५च १०६९ नम्बरको निजी कारमा सिट मुनि लुकाएर ल्याएको अवस्थमा २० केजी अवैध चाँदी सहित गाडि चालक मोरङ जिल्ला विराटनगर महानगरपालिका वडा नम्बर ५ का २५ बर्षीय रोहित कुमार यादव र सोहि गाडिमा सवार महोत्तरी जिल्ला घर भई विराटनगर बस्दै आएका ३७ बर्षीय शेचन मानन्धरलाई नियन्त्रण लिइएको जिल्ला प्रहरी कार्यालय सिन्धुलीका प्रमुख राजकुमार सिलवालले जानकारी दिनुभयो ।

२४ लाख बराबरको चाँदीको स्रोत फेला नपरेपछि थप अनुसन्धानो लागि आन्तरिक राजस्व कार्यालय पठाउने तयारी भएको प्रहरी प्रमुख सिलवालले बताउनु भयो । कतैबाट अवैध रुपमा आएको चाँदी किनेर बिक्रिको लागि लगेको हुनसक्ने प्रहरीले आसंका गरेको छ । प्रहरीले निजी सवारी साधन पनि नियन्त्रणमा लिइएको छ ।