साउन १८, सिन्धुली/सिन्धुलीको तीनपाटन गाउँपालिकाले एसइईमा उत्कृष्ट अंक प्राप्त गर्ने एक छात्रा र एक छात्रलाई ल्यापटप पुरस्कार दिने भएको छ ।

तीनपाटन गाउँपालिकाको सामुदायिक माध्यामिक विद्यालयबाट २०७९ सालको एसइईमा उत्कृष्ठ अंक प्राप्त गर्ने एक छात्रा र एक छात्रलाई ल्यापटप पुरस्कार दिने भएको हो ।

तीनपाटन गाउँपालिकाको १२ औँ गाउँसभाले सामुदायिक माध्यामिक विद्यालयबाट प्रत्येक बर्ष एसइईमा उत्कृष्ठ अंक प्राप्त गर्ने २ जनालाई ल्यापटन पुरस्कार दिने निर्णय गरे अनुसार प्रक्रिया भइरहेको गाउँपालिकाका अध्यक्ष कर्ण बहादुर थापा मगरले बताउनु भयो ।

जसका लागि तीनपाटन गाउँपालिकाले यहि साउन २७ गतेसम्म गाउँपालिकाका सामुदायिक विद्यालयहरुबाट २०७९ सालको एसइईमा सहभागी भएर उत्कृष्ठ अंक प्राप्त गर्ने एक छात्रा र एक छात्रको ग्रेटसिटको प्रतिलिपि र विद्यालयको सिफारिस उपलब्ध गराउन प्रमुख प्राशासकिय प्रमुख सन्तोष घिमिरेले आग्रह गर्नुभएको छ ।