असार ६,सिन्धुली/सिन्धुलीमा चट्याङ लागेर एकैपटक दुईवटा कार दुर्घनामा परेको छ । मदन भण्डारी राजमार्ग अन्तर्गत दुधौली नगरपालिका वडा नम्बर ४ लक्ष्मीपुर पचरुखीमा आज चट्याङ लागेर दुइवटा कार दुर्घनामा हुँदा ५ जना घाइते भएका छन् ।
आज विहानको समयमा चट्याङ परेर काठमान्डौँ बाट उदयपुरतर्फ जाँदै गरेको बागमती प्रदेश बिएबि ५५३९ नम्बर र प्रदेश ३, ०१ – ०३२ प ५८६० नम्बरको निजि सवारी साधन(कार) दुर्घटनामा पर्दा ७ जना घाइते भएको जिल्ला प्रहरी कार्यालय सिन्धुलीका प्रहरी प्रमुख राजकुमार सिलवालले जानकारी दिनुभयो ।
घाइतेहरुको प्राथमिक स्वास्थ्य केन्द्र सिर्थौली सामान्य उपचार पश्चात ३ जनाको सिन्धुली अस्पतालमा उपचार भइरहेको छ भने २ जनालाई काठमान्डौँ लैजानको लागि जनकपुर पठाइएको प्रहरीले जनाएको छ ।
सोही समयमा परेको चट्याङ लागेर दुधौली नगरपालिका ४ कर्मामा २ जना घाइते भएको ४ नम्बर वडा अध्यक्ष रितेश विश्वकर्माले जानकारी दिनुभयो । चट्याङ लागेर एकैपरिवारका द्धारिका घिमिरे र भावना घिमिरे घाइते भएको अध्यक्ष विश्वकर्माले जानकारी दिनुभयो । घाइतेको सिर्थौली स्वास्थ्य केन्द्रमा उपचार भइरहेको छ ।