जेठ ६; काभ्रे/बागमती प्रदेश आन्तरिक मामिला तथा कानून मन्त्रि गंंगानारायण श्रेष्ठले अहिलेको उपलब्धि रक्षाका लागि माओवादी शक्ति एक ढिक्का हुन जरूरी रहेको वताउनु भएको छ।

आज प्रेस सेन्टर नेपाल बागमती प्रदेश समितिको बार्षिक साधारण सभामा बोल्दै मन्त्रि श्रेष्ठले संघीय लोकतान्त्रिक गणतन्त्रको रक्षाको निम्ति माओवादी शक्ति एकढिक्का भएर अघि वढ्नुको बिकल्प नरहेको समेत वताउनुभयो । मन्त्रि श्रेष्ठले संघीयता, धर्म निरपेक्षता, समानुपातिक सहभागिता र समृद्धिको रक्षाका लागि प्रचण्ड, बाबुराम, वैद्य, विप्लप एक ठाउँमा उभिनु पर्ने वताउनु भयो । उहाँले प्राप्त उपलब्धि रक्षा गर्न नसके हिजोको सिङ्गो माओवादी नेतृत्वले अपजस लिनु पर्ने वताउदै अब समाजवादी केन्द्र निर्माण गर्नु पर्ने धारणा राख्नु भयो ।

मन्त्रि श्रेष्ठले अहिले प्रदेश सरकार मकै वारिमा सुगा रूङ्न राखेको बुख्याँचा जस्तो भएकोले संघीयता कार्यान्वउनका लागि प्रदेशलाई बलियो वनाउनु पर्ने वताउँनु भयो । मन्त्रि श्रेष्ठले संघीय सरकारले प्रदेश सरकारलाई आवश्यक ऐन, कानून निर्माण गरिनु पर्ने वताउनु भयो ।