सिन्धुली/सिन्धुलीमा अटो दुर्घटना हुँदा एकजनाको मृत्यु भएको छ । आइतबार बिहान कमलामाई नगरपालिका १ स्थित बलौटामा भएको अटो दुर्घटनामा चालक सहित ३ जना घाइते भएका छन् ।

घटनामा कनपा. वडा नंं. १ डाडीगुराँसेका अन्दाजी ३१ बर्षिय बिष्णु परियारको मृत्यु भएको हो । घाइतेहरुको जिल्ला अस्तपालमा उपचार भइरहेको जिल्ला प्रहरी कार्यलयले जनाएको छ । प्रदेश २–०२–००१ ह १८२७ नम्बरको अटो यात्रु बोकेर मरिण तर्फ जाँदा अनियन्त्रित भै दुर्घटना भएको जिल्ला प्रहरी कार्यालय सिन्धुलीका प्रवक्ता एवं प्रहरी नायव उपरिक्षक मनोज कुमार लामाले जानकारी दिनुभयो । अटो चालक कमलामाई नगरपालिका १ डाडीगुराँसे बस्ने भुपाल बि.क.लाई प्रहरीले नियन्त्रणमा लिई थप अनुसन्धान गरिरहेको जनाएको छ ।