नेपालमा कोरोनाका नयाँ संक्रमित आज १७० जना थपिएका छन् । यससँगै कुल संक्रमितको संख्या १ हजार २ सय १२ पुगेको स्वास्थ्य तथा जनसंख्या मन्त्रालयले जनाएको छ ।
नयाँ संक्रमितमा रौतहटमा ५६ जना, कपिलबस्तुमा ५१ जना, झापाका २८, बाँकेमा १० जना, पर्सामा ५ जना, सप्तरीका ४, बाराका ४ जना, सर्लाहीमा ४ जना, सर्लाही घरभइ ललितपुरमा रहेकी १ महिला, दाङमा २ जनामा, नवलपरासीमा २, म्याग्दीमा १ जना, र रुपन्देहीमा १ जनामा कोरोना भाइरसको संक्रमण देखिएको छ । हाल सम्म कोरोना संक्रमणबाट ६ जनाको मृत्यु भएको छ भने १ सय ८७ जना निको भएर घर फर्किएका छन्।