सिन्धुली/सिन्धुलीको हरिहरपुरगढी गाँउपालिकाको २० औँ गाउँ सभाको हिउँदे अघिवेशन मंगलबार सम्पन्न भएको छ । हिउँदे अधिवेशन गाउँपालिका अध्यक्ष बज्रध्वज वाईबाको अध्यक्षतामा गाँउपालिकामा २० औँ गाउँ सभाको हिउँदे अघिवेशन सम्पन्न भएको हो ।

गाउँ सभामा पारित प्रस्तावहरुमा स्वास्थ्य चौकीलाई एम्बुलेन्स हस्तान्तरण गर्ने, पोस्टमार्टम सेवा सञ्चालन गर्ने, नदी उकास जमिनहरुमा कृषि फार्म सञ्चालनका लागि अनुमति दिने, मासु प्रसोधन कारखानाका स्थापनाका लागि नदी उकास जग्गा उपयोग गर्न दिने, इलाका प्रहरी कार्यलयको माग गर्ने, सरसफाई कर्मीको सुविधा थप गर्ने लगायत विषयबस्तुहरु रहेका छन् । साथै कर्मचारिको तलबी प्रतिवेदन, गाउँप्रहरीको रासनभत्ता, संघ तथा प्रदेश सरकार समक्ष पेश गर्ने योजनाहरु, योजना संसोधन तथा रकामान्तरका साथै विभिन्न ऐन नियम पारित गरिएको छ ।

गाउँपालिकाको हिउँदे अधिवेशन गाउँ पालिकाका अध्यक्ष बज्रध्वज वाइबा तथा गाउँपालिका उपाध्यक्ष चेख बहादुर थिङ, प्रमुख प्रशासकीय अधिकृत दिपेन्द्र कुमार पैकरा र ८ वटै वडाका वडा अध्यक्ष, कार्यपालिका सदस्य तथा गाउँपालिका सदस्यहरुको उपस्थितिमा सम्पन्न भएको थियो ।