साउन २४, सिन्धुली/मकवानपुरको सिक्रेदोभान पहिरोमा परि बेपत्ता भएका दुईजनाको शब फेला परेको छ । आज दिउँसो घटना स्थलबाट करिब २ किलोमिटर तल सिन्धुली र मकवानपुरको सिमना हरिहरपुरगढी गाउँपालिकाको १ नम्बर वडा स्थित बागमती खोलामा अक्कल बहादुर स्याङतान र उनकी छोरी शिला स्याङ्तान पहरीको शव फेला परेको हो ।
मंगलबार(हिजो) बिहान ४ बजे बागमती गाउँपालिका वडा नम्बर–५ सिक्रेदोभानमा भलसहित आएको पहिरोले अक्कल बहादुर स्याङ्तानको घर बगाउँदा घरमा भएका ७ जना बेपत्ता भएका थिए ।
पहिरोमा परि ६० वर्षीय अक्कलबहादुर स्याङ्तान, सिन्धुलीको हरिहरपुरगढि गाउँपालिका वडा नम्बर १ का उहाँकी छोरी २२ वर्षीया शीला स्याङ्तान पहरी, ज्वाइँ २५ वर्षीय जीवन पहरी, नाती ३ वर्षीय देव पहरी, नातिनी ७ महिनाकी दिव्या पहरी र सोहि घरमा बाँस बसेका हरिहरपुरगढी गाउँपालिका वडा नम्बर–१ कोकटीका १९ बर्षिय पासाङ घिसीङ वेपक्ता भएका थिए ।
बेपत्ता अक्कलबहादुर स्याङ्तान र उनकी छोरी शिला स्याङ्तान पहरीको शब भेटिएको हरिहरपुरगढी गाउँपालिकाका अध्यक्ष बज्रध्वज वाइवाले जानकारी दिनुभयो ।
हिजै घटना स्थलबाट उद्धार गरिएकी उहाँकी श्रीमती ५५ वर्षीया सन्तमाया स्याङ्तानको मृत्यु गएको छ । सोहि घरमा बास बसेका हरिहरपुरगढी गाउँपालिका वडा नम्बर–१ कोकटीका १९ बर्षिय पासाङ घिसीङलाई बगेरीबाट हिजो नै जिवितै उद्धार गरिएको हरिहरपुरगढी गाउँपालिकाका अध्यक्ष बज्रध्वज वाइवाले जानकारी दिनुभयो ।
पहिरोमा परेका ज्वाइँ २५ वर्षीय जीवन पहरी, नाती ३ वर्षीय देव पहरी, नातिनी ७ महिनाकी दिव्या पहरी अझै वेपक्ता छन् ।