पौष २८, सिन्धुली/गायक तथा संगितकार रमेश खड्काको नयाँ गीत सार्वजनिक भएको छ । चर्चीत गायीका रचना रिमाल र गायक तथा संगितकार रमेश खड्काको स्वर रहेको ‘ऐंसेलु दाना’ बोलको नयाँ गीत सार्वजनिक भएको हो ।

शिवशरण खड्काको शव्द रहेको गीतमा गायक रमेश खड्काकै संगित रहेको छ । त्यसो त खड्काले ५ सय भन्दा बढि गीतहरुमा संगित भरिसक्नुभएको छ भने दर्जनौँ गीतहरुमा स्वर दिनुभएको छ । नेपाली संगितका नयाँ तथा पूराना अधिकांस गायकहरुले खड्काको संगितमा स्वर दिइसकेका छन् ।

यसपटक भने चर्चित गायीका रचना रिमाललाई संगितकार खड्काले साथ लिनुभएको छ । गीतको म्युजिक भिडियो समेत सार्वजनिक भैसकेको छ । आकर्षण मुभिजको युट्युव च्यानल मार्फत उक्त गीत बजारमा आएको छ । डान्सिङ् प्याटर्नमा रहेको गीतलाई नेपाली संगितप्रेमीहरुले रुचाउनेमा आफू विश्वस्त रहेको गायक तथा संगितकार खड्काले बताउनुभयो । म्युजिक भिडियोमा कलाकारहरु सरोज दाहाल र युना खड्काले अभिनय गर्नुभएको छ ।