अंशमा परेको थियो एककट्ठा दुईधुर बारी,
मेरो जन्मस्थल–गैँयाटार, सिन्धुलीमा ।
परारसाल मैले त्यो बेचिदिएँ
बेच्नुपरेको परिबन्धनको कुरा नगरौँ,
बरु, नयाँ जग्गाधनीको गुनासो सुनौँ–
नक्सामा बाटो देखेर किनियो, बाटोको मालिक त अर्कै रहेछ
पुरानो नक्सामा डहरले छोएको थियो,
नयाँ नापीको कैफियत मलाई के थाहा ?
त्यो गुनासोले मलाई पटक्कै छोएन,
बरु, गीत गाउन पो मनलाग्यो–
‘यहाँ देशको छ चिन्ता, तिमी बाटो-बाटो भन्छौ’…….!

प्रवीण सिन्धुलीय

सिन्धुली