हरिहरपुरगढीको बसेरीमा चट्याङ लागेर ३ जना घाईत

सिन्धुली/ जिल्लाको हरिहरपुरगढी गाउँपालिका वडा नम्बर १ बसेरीमा वर्षा, हावाहुरी सँगै परेको चट्याङले लागेर ३ जना घाइते भएका छन् ।
घाइते हुनेमा १ बसेरी बर्ष ५२ कि सुकुमाया मोक्तान, बर्ष ६५ को महन्त रुम्बा र वर्ष २६ कि फुलमाया रुम्बा रहेका छन्। घाइते मध्या सुकुमाया मोक्तानको अवस्था गम्भीर रहेकोले उनलाई उपचारको लागि तुरुन्त मकवानपुर तर्फ पठाईएको जिल्ला प्रहरी कार्यालय सिन्धुलीका प्रहरी उपरीक्षक गोविन्द राज काफ्लेले जानकारी दिनु भयो।
खबर प्राप्त हुनासाथ साझ ५ बजे प्रहरी चौकी हरीहरपुरगढीमा तत्काल प्र.स.नि. समसुदिन अंसारीको कमाण्ड्मा टोली खटि घटना स्थल पुगेर उदार गरिएको जिल्ला प्रहरी कार्यालय सिन्धुलीले जनाएको छ ।
र सामान्य घाइते भएका बर्ष ६५ को महन्त रुम्बा र वर्ष २६ कि फुलमाया रुम्बालाई स्थानिय मेडिकल गुर्जिमा उपचार भैरहेको काफ्लेले बताउनु भयो।