सिन्धुली/”स्वास्थ्यको लागि खेलकुद राष्ट्रको लागि खेलकुद” भन्ने मूल नाराको साथ जिल्लामा राष्ट्रपति रनिङ शिल्ड प्रतियोगिता तथा प्रथम जिल्ला स्तरीय खेलकुद महोत्सब २०८१ हुने भएको छ।
सिन्धुली जिल्ला खेलकुद विकास समितिको आयोजना तथा जिल्ला समन्वय समिति सिन्धुलीको समन्वयमा राष्ट्रपति रनिङ शिल्ड प्रतियोगिता हुने भएको हो।

यही फागुन ५ गते बाट सुरु हुने प्रथम जिल्ला स्तरीय खेलकुद महोत्सब १३ गते सम्म खुल्ला मंचमा संचालन हुने छ। महोत्सबमा फुट्बल, क्रिकेट, व्याडमिन्टन, कबड्डी, कराँते, तेक्वान्दो, एथलेटिक्स, म्याराथन, बक्सिङ लगाएतका १०‌ओटा खेल खेलाईने आज शनिबार पत्रकार सम्मेलन गर्दै खेलकुद विकास समितिले
जानकारी दिएको हो।

खेलकुदको माध्यामबाट सामूहिक भावनाको विकास गराई स्थानिय स्तरबाटै खेल र खेलाडीको विकासमा सहयोग पुर्याउने उद्देश्यले प्रथम जिल्ला स्तरीय खेलकुद महोत्सब २०८१ संचालन गर्न लागिएको खेलकुद विकास समिति सिन्धुलीका अध्यक्ष बिर बहादुर थिङ् तामाङ्ले जानकारी दिनु भयो।

प्रतियोगितामा जिल्लाका‌१३४५ जना खेलाडीहरूको सहभागिता रहने छ साथै खेलमा विजेता खेलाडीहरु र सहभागीहरुलाई ट्रफी, मेडल र प्रमाण पत्र वितरण गरिने छ भने समग्र टिममा मेडलको आधारमा प्रथम, द्धितिय र तृतीय पालिकालाई उत्कृष्ट ट्रफि समेत प्रदान गरिने छ ।

फागुन ५ गतेबाट सुरु हुने खेलमा सहभागि खेलाडीहरुलाई खेल अवधि सम्म खाना,खाजाको व्यवस्था गरिएको छ। र खेलमा सहभागी हुन स्थायी ठेगाना सिन्धुली हुनु पर्ने र खेलाडीहरूले आफ्नो पालिकाको नाम उल्लेख गरिएको पोसाक लागाउनु पर्ने छ।
साथै प्रथम जिल्ला स्तरीय खेलकुद महोत्सबमा राष्ट्रिय तथा स्थानीय कलाकारहरुको बेजोड प्रस्तुती समेत रहने आयोजगले जानकारी दिएको छ।