साउन २९, सिन्धुली/सोमबार मलामी जादा दुधौलीको लखीमा खोलाले बगाएर एक जनाको मृत्यु भएको छ । मृत्यु हुनेमा दुधौली नगरपालिका –९ जितपुरका ५१ बर्षीय शुरेस मलिक रहेको जिल्ला प्रहरी कार्यालय सिन्धुलीले जनाएको छ ।

विहान ८:३० बजेको समयमा मलामी जाँदै गर्दा मलिकलाई लखीमा खोलाले बगाएको जिल्ला प्रहरी कार्यालय सिन्धुलीका प्रहरी निरिक्षक केशब कुमार कटुवालले जानकारी दिनुभयो ।

खोजतलास गर्दा मलिकलाई बगाएको स्थान भन्दा ५ सय मिटर तल मृत अवस्थामा प्रहरीले फेला पारेको थियो । मृतकको शव पोस्टमार्टम पश्चात परिवारको जिम्मा लगाइएको जनाइएको छ ।