वैशाख ३१,सिन्धुली/ नेपाल कम्युनिष्ट पार्टी (माओवादी केन्द्र) मरिण गाउँ कमिटिको मुखपत्र ‘मरिण जागरण’ को पहिलो अंक सामुहिक विमोचन गरिएको छ ।

आज एक औपचारिक कार्यक्रमका बिच माओवादी केन्द्रका केन्द्रिय सदस्य तथा सिन्धुली ईन्चार्ज बुद्धिमान माझि, माओवादी केन्द्र बागमती प्रदेश सहसचिव प्रकाश श्रेष्ठ , माओवादी केन्द्र सिन्धुलीका संयोजक पानिराज बम्जन, बागमती प्रदेश सचिबालय सदस्य जेबी माझी, बगमती प्रदेश सदस्य तथा मरिण गाउँ कमिटि इन्चार्ज पदम अस्तानी , बागमती प्रदेश सदस्य विमर्श मोक्तान, संगीता माझीले ‘मरिण जागरण’ मुखपत्र को विमोचन गर्नुभएको हो ।

माओवादी केन्द्रका मरिण गाउँ कमिटिका अध्यक्ष काजिमान थिङको अध्यक्षतामा आयोजित पुर्ण बैठक तथा प्रशिक्षण कार्यक्रममा मरिण गाउँ कमिटिले प्रकाशन गरेको मुखपत्र ‘मरिण जागरण’ विमोचन गरिएको थियो ।

माओवादी केन्द्रका केन्द्रिय सदस्य तथा सिन्धुली ईन्चार्ज बुद्धिमान माझिले ‘मरिण जागरण’ मुखपत्र प्रकासशनले अनेकतालाई एकतामा ल्याउनको लागि ऐतिहासिक कोसे ढुङ्गाको रुपमा काम गर्ने विश्वास व्यक्त गर्नुभयो । व्यवहारलाई सैद्धान्तिक गर्न, व्यवहारलाई वैचारिक स्तरमा उठाउनलाई यस्तै यस्तै प्रकाशनले ठुलो प्रेरणा दिने उहाँले बताउनुभयो । ‘मरिण जागरण’ मुखपत्रमा मरिणमा माओवादीको इतिहास,वैचारिक लेखहरु समेटिएका छन् ।