भदौ २१,सिन्धुली/एकिकृत अखिल नेपाल शिक्षक संगठन मरिण गाउँपालिका गाउँ कमिटीले आम विद्यार्थी र अभिभावकमा विशेष रुपान्तरण अभियान सुरु गरेको छ । शिक्षक संगठनले अभियानमा विद्यालय सरसफाई एवम् बृहत श्रमदान अभियान सुरु गरेको हो ।
अभियानको बुधबार कपिलाकोट माध्यमिक विद्यालय महेश्वतामा सरसरसफाई गरेर उद्घाटन गरिएको छ । नेकपा माओवादी केन्द्रका बागमती प्रदेश सदस्य तथा मरिण गाउँपालिकाका अध्यक्ष बिमर्श मोक्तान (प्रख्यात)को प्रमुख आतिथ्यतामा अभियानको उद्घाटन गरिएको हो ।
सार्बजनिक बिदाको समयमा एकिकृत अखिल नेपाल शिक्षक संगठनका शिक्षकहरु भेला भएर मरिण गाउँपालिकाको विद्यालय सरसफाई गरिने एकिकृत अखिल नेपाल शिक्षक संगठनका मरिण गाउँपालिकाका अध्यक्ष रुद्रवर्ण रानाले बताउनु भएको छ । आफ्नो पालिकाको विद्यालय सुन्दर सफा बनाउनको लागि अभियान सन्चालन गरिएको उहाँले बताउनु भयो ।
उद्घाटन कार्यक्रममा एकिकृत अखिल नेपाल शिक्षक संगठन सिन्धुली जिल्लाका जिल्ला इन्चार्ज अमृतसिंह घिसिङ, कपिलाकोट माध्यमिक विद्यालय महेश्वताका विद्यालय व्यवस्थापन समितीका अध्यक्ष राजकुमार श्रेष्ठ (उत्साह) लगायतको उपस्थिती रहेको थियो ।