भदौ ३, सिन्धुली/सिन्धुलीमा एम्बुलेन्सले अटोलाई ठक्कर दिदा ६ जना घाइते भएका छन् । मदन भण्डारी राजमार्ग अन्तर्गत सिन्धुली दुधौली नगरपालिका वडा नम्बर ८ स्थित दुधौलीबाट कटारी तर्फ आउँदै गरेको प्रदेश ३ —०१—०२३ च ४७१५ नम्बरको एम्बुलेन्सले दुधौलीबाट कटारी तर्फ जादै गरेको १ ह ३३७७ नम्बरको अटोलाई ठक्कर दिएको थियो ।
अटोमा सवार दुधौलीका ६ जना घाइते भएको जिल्ला प्रहरी कार्यालय सिन्धुलीका प्रमुख राजकुमार सिलवालले जानकारी दिनुभयो । घाइते हुनेमा सबै वडा नम्बर ७ का रहेका छन् ।
घाइतेहरुमा अटो चालक अर्जुन केसी, अटोमा सवार २८ बर्षीय निरज खत्री, २८ बर्षीय समिक्षा अधिकारी, ४५ बर्षीय कल्पना खत्री, ३६ बर्षीय विनिता श्रेष्ठ र ४५ बर्षका बल बहादुर थापा मगर रहेको प्रहरीले जनाएको छ ।
घाइतेहरुलाई उपचारको लागि धुलिखेल अस्पताल पठाइएको छ । एम्बुलेन्स र चालकलाई प्रहरीले नियन्त्रणमा लिएको छ ।