चैत्र १९, सिन्धुली/सिन्धुलीको दुधौली नगरपालिकामा बोलेरोबाट खस्दा एक जना गम्भिर घाइते भएको छ ।
दुधौली नगरपालिकाको भित्रिसडक खण्ड वडा नम्बर १३ को कामिटारमा दुधौली नगरपालिका वडा नम्बर १२ का ३५ बर्षिय नेत्र पौडेल बोलेरोबाट खसेर गम्भिर घाइते हुनुभएको हो ।
जिनाखुबाट दुधौली तर्फ आउँदै गरेको स. १ च १७४९ नम्बरको पिकअप बोलेको पछाडी सवार पौडेल अचानक खसेर घाइते भएको जिल्ला प्रहरी कार्यालय सिन्धुलीका प्रहरी प्रमुख राजकुमार सिलवालले जानकारी दिनुभयो ।
घाइते पौडेलको टाउको र अनुहारमा गम्भिर चोट लागेकोले सिन्धुली अस्पतालमा उपचार पश्चात थप उपचारको लागि मनाङ एयरको हेलिकप्टर मार्फत काठमान्डौँ मेडिसिटि अस्पताल लगिएको प्रहरीले जनाएको छ । उक्त बोलेरो चालक र बोलेरो प्रहरीको नियन्त्रणमा लिएको छ ।