सिन्धुली/यहाँका एक युवाले सिन्धुली अस्पताललाई एकथान वाटर डिस्पेन्सर उपलव्ध गराउनुभएको छ । कमलामाई नगरपालिका वडा नं. ६ बैंकरोड निबासी कुमार कार्कीले सिन्धुली अस्पतालका बिरामीहरुका लागि एकथान वाटर डिस्पेन्सर उपलव्ध गराउनुभएको हो ।
सिद्धार्थ बैंक शाखा सिन्धुलीमा कार्यरत कार्कीले फजुल खर्च भन्दा आफूलाई सेवामूलक कर्म र सामाजिक सत्भाव उचित लाग्ने भएकाले अस्पताललाई सहयोग उपलव्ध गराएको बताउनुभयो । साथीभाइ जम्मा पारेर भट्टीमा खर्च गर्नुभन्दा बिरामीलाई सहयोग गर्दा आफूलाई सन्तोष मिल्ने कार्कीको भनाई छ ।
अस्पतालमा आउने बिरामीहरुलाई तातो पानी आवस्यक पर्छ । सवैले तातो पानी बोकेर आएका हुँदैनन् । अस्पतालमा सधैँ उपलव्ध नहुन सक्छ । यही समस्यालाई मध्यनजर गर्दै कार्कीले तातो चिसो पानीको व्यवस्थापनका लागि उक्त सहयोग गर्नुभएको हो । बास्तवमै कार्कीको यो सामाजिक कार्य सर्हानिय छ । अन्य युवाहरुले पनि कार्कीको यस्तो सेवामूलक कर्मलाई सकारात्म रुपमा लिएर अगाडी बढ्नु जरुरी छ ।